Îro, desteya siyasî ya Hevbendiya Niştimanî Ya Hêzên Şoreşê Û Rikberiya Sûriyê, rewşa meydanî ya bajarê Helebê gengeşe kir, herwiha armancên dûr ên siyasî û leşkerî yên cenga şoreşgeran ji bona rakirina dorpêçkirinê ji ser Helebê û guhertina tarezûyên hêzan li ser qada şer.
Desteya siyasî, îro roja pêncşemê û di civîna xwe ya xulegerî de, tekezî li ser giringiya şerê şoreşgeran li dijî hêzên Esed û milisên hevalbendên wê kir, herwiha tekezî li ser giringiya yekgirtina siyasî û leşkerî hat kirin li hember êrîşên hovane yên rêjîma Esed û Rûsiya li ser gelê Sûriyê bi armanca têkşikandina şoreşa Sûriyê û qebûlkirina rêjîma Esed carek din.
Desteya siyasî, biryar da li ser piştgiriya dirustkirina şaneke kirîzê ya hertimî ji bona dûvçûna rewşa meydanî ya Helebê, û herwiha ji bona Hevbendî bi erkê xwe yê siyasî û piştgirî rabe.
Herwiha di civînê de pêwendiyên Hevbendiyê yên yekser hatîn kirin bi rêka nûnerayetiya xwe di desteya sorekatiyê û desteya siyasî û hikûmeta demkî de digel hêzên şerker, û handana karê hevbeş hat gengeşekirin, tevî şandina nameyên rasterast ji bona xelkê me yên xweragir li Helebê û gaziyên tevlîbûna wan di nav hêzên şervanan de ji bona şerê Helebê, ji ber giringî û kartêkirina vî şerî li ser qada şer û li ser pêvajoya çareseriya siyasî.
Herwiha di civînê de bal hat kişandin li ser pêwendiyên serokê Hevbendiyê Enes Ele’bide digel çend wezîrên derve yên dewletên dost û yên Ereban û NY ji bona zêdekirina piştgiriya şoreşgeran, tevî niraxandina hevdîtina hevbeş ya Enes Ele’bide û rêxerê giştî yê danustandinan Riyad Hicab bi nûnerên çend hêzên leşkerî re, herwiha paştire hevdîtina ligel Mewlûd Cawîş Oxlo, wezîrê derve yê Tirkiyê.
Jêder: Hevbendî
