Serokê Hevbendiya Niştimanî Sûrî Riyad Sêf li civîneke Encûmenên xwecihî îro çarşembê li bajarê Xazî Entab û bi beşdarbûna serokê desthilata demkî Cewad Ebû Heteb û endamin ji desteya siyasî ya Hevbendiya Niştimanî, amade bû.
Civîngeran li ser xurtkirina awayê kar û pêşvebirinên meydanî û siyasî yên dawî axivîn, û behsa berdewamiya desthilata Esed û milîtanên hevalbendên wê di pêkanîna tawanan dijî miletê Sûrî kirin.
Serokê Hevbendiya niştimanî Riyad Sêf mîkanîzmên xurtkirina nûnerîtiya encûmenên xwecihî di hindirê Hevbendiyê de şirove kir, ew jî piştî operasiyona çaksaziyê ya ko civîna desteya giştî ya dawî biryara wê daye.
Riyd Sêf pêşveçûnên meydanî û siyasî yên dawiyê pêşdîtin kirin û got ku giring e rola encûmenên xwecihî li gel Hevbendiya Niştimanî û Desthilata Demkî û Yekîneya Hevrêzkariya Piştgiriyê û alayên leşkerî aktîv bikin.
Sêf dibîne ko gelek beraberiyên mezin di vê qonaxê de hene, û tê xwestin ko dezgehên hindir bên pêşxistin ji bo “nûnerên dilsoz bin ji pirinsîbên şoreşa Sûriyê re” li gora ko wî salix daye, û bêtir got ko gerek hemû alî di çepereke niştimanî Sûrî de hevgirtî bin û yekîtiya Sûriyê biparêzin û beraberiya hemû metirsiyan bikin.
Ji hêla xwe ve yekîneya encûmenên xwecihî rewşa parêzgehan û zehmetiyên têne pêşiya wan û pêşinyarên bo beraberiya wan arîşeyan pêşdîtin kirin.
Jêder: Nivîsgeha Ragihandinê ya Hevbendiya Niştimanî
