Hevbendiya Niştimanî ya hêzên şoreş û rikberiya Sûriyê, îro di daxuyaniyekê de da zanîn ku girûpên terorîst careke din sivîlan armanc dikin û hewl didin tirs û terorê li bakurê gundewarê Helebê belav bikin.
Daxuyaniya Hevbendiya Niştimanî hat derbarê êrîşa terorîst ya duhî li dijî bajarokê Ra’î, ku têde 11 kes şehîd ketin û 15 kesên din birîndar bûn, û daxuyaniyê bal kişand ku ev tawan hat piştî tawaneke din ya hevşêwe ji berî du rojan li ser bazarekê gelêrî beriya nimêja înê, û bû sedema kuştina 13 sivîlan û di nav wan de zarokek, tevî birîndarbûna 25 kesên din.
Hevbendiya Niştimanî got ku ev tawankarî bi awayekî plansazkirî hat, ji bo armanckirina sivîlan û zêdekirina fişaran li ser wan, digel bombebarana hovane ya berdewam li ser seranserî gundewarê Idlibê.
Û daxuyaniyê diyar kir ku ev êrîşên pev re tên ji bo sepandina bijardeya leşkerî û tawankariya rejîmê û hevalbendên wê û bidawîkirina hemû derfetên ji bo çareseriyek siyasî, bi sûdwergirtina ji nexuyabûna bi yekcarî ya civaka navdewletî.
Hevbendiya Niştimanî di daxuyaniya xwe de bal kişand ku bidawîkirina hebûna her terorîstekî yan metirsiyekê li ser ewlehiya sivîlan li herêmê, bi riya berdewamiya artêşa niştimanî ya Sûriyê li ser peyketina çete û terorîstan tê misogerkirin, û bilindkirina asta amadebûna xwe ji bo rûbirûbûna her planên terorîst yên li dijî sivîlan.
Hevbdndiyê cext kir ku ev terora ku rejîm birêve dibe û belav dike, tevî terora ji hêla milîs û rêxistinên hevalbendên wê bi navên cuda, ji encama têkşikestina civaka navnetewî di vê dosyayê de ye, û bêhêzbûna wê di ferzkirina çareseriyek siyasî ya rastîn e.
Jêder: Ofîsa Ragihandina Hevbendiya Niştimanî ya Sûrî
