Hevbendiya Niştimanî ya Hêzên Şoreşê û Rikberiya Sûriyê û Desteya Hevrêzkara Niştimanî ya Hêzên Guherîna Dîmuqratî li ser asoyên Çareseriya Siyasî lihev kirin, redkirina xwe ji çi Dagîrkereriyê an têwirdana biyaniyan li Sûriyê diyar kirin.
Di daxuyaniya hevbeş ya bidawîkirina civînan de ko herdu alî sê rojan digel hev ji 13-15ê cehzeranê li paytexta Belcîka Biroksilê civiyan, ev hevdîtina çarem bû di pêvajoya yekgirtina helwesta Opozisyona Sûriyê de û dîtina wê ji asoyên çareseriya siyasî û pêşveçûnên ko li Sûriyê çê dibin.
Dîtina herdu aliyan tekez kir ko ew bi çareseriya siyasî ya niştimanî li gora daxuyaniya Cinêvê(30 Cehzerana 2012an ) û lêvegera navdewletî û biryarên netewên yekbûyî û encûmena ewlekariyê yên têkildar pabend , û li ser lihevkirinên niştimanî di navbera pêkhatiyên civaka Sûrî ji Ereb û Kurd û Tirkuman û Siryan û Aşûrî û yên din ko beşdarbûna hemûyan dabîn bike di avakirina dewleteke sivîl, dîmuqratî û amadekirina girêbesteke niştimanî ko nasnameya niştimanî ya kolmel ji hemû Sûriyan re rêkxistin bike.
Daxuyaniya dûmahiyê got: “Civînkar miletê Sûrî bi hemû pêkhatiyên xwe ve dibînin ko ew qurbaniya tawankariya rêjîmê ye û bêçareya civaka navdewletî ji parastina milet ko hişt ew bêserûber û malwêran bibe, hem ket ber qîlên tiroristiyê, herdu aliyan çi têwirdana biyaniyan û dagîrkerî redkirin”
Daxuyaniyê daxwaz ji Yekîtiya Ewropî kir ko bi rola xwe rabe û piştgiriya çareseriya siyasî bike ji bo biser bikeve û beşdarbûneke aktîv di operasiyona danûstandinan bike û hem biryarên navdewletî cîbicî bike û tundiya rêjîmê bidawî bibe û beraberiya tiroristiyê bi hemû cûreyên xwe û guhdana penaberên Sûrî û pirsgirêkên wan çareser bike.
Rizgarkirina miletê Sûrî bi hemû aliyan heta yên hogir jî bi rizgarî ji rêjîmê çareser dibe û hem şerê hêzên tirorist û yên tundrew, herdu alî dibînin ko şerê tiroristiyê mercê wê bidawîkirina zordarî û hişyarbûna hêzên civaka niştimanî ye, ko bi serpereştiya Desteya desthilatdar li gora istiratîciya herêmî û navdewletî dibe.
Herdu aliyan soz dan ko hevdîtinên herdemî û kargehên kar bi beşdarbûna nûnerên hêzên siyasî û pêkhatiyên civakî û çalakvan û pispoeran û piştgiriya bizava Desteya Bala ya danûstandinan û xurtkirina hevgihandinê û hevrêziyê di navbera hêz û pêkhatiyên niştimanî yên Sûrî û hem serdanên hevbeş bibal dewletên têkildar bi kêşeya Sûrî ve bikin.
Herdu aliyan li ser pêşvebirina dîtina Opozisyonê li ser kêşeya Kurdî û dîtina çareseriyeke dad jê re di çarçoveya yekîtiya Sûriyê milet û xak ko danpêdaneke destûrî bi nasnameya netewî Kurdî bibe û hêzên Kurdî yên siyasî û şoreşgerî di avakirina Sûriya dîmuqratî de beşdar bibin.
Civînkaran kuştarên hovane yên ko li Sûriyê li ser destê Esed û hevalbendên wî çê dibin ko koçkirina kotekî çê dike û dorpêçê li ser herêmên temamî çêdike û nahêle xwarin û derman bigihê wan û hem di girtin û veşartina bi kotekî berdewam e, evê nehişt zemîneke guncaw ko danûstandin li gor wê dîsa pêk bên çêbibe.
Herdu aliyan Desteya hevrêzkara Niştimanî û Hevbendiya Niştimanî spasiya yekîtiya Ewropî û desteya karê derve ya yekîtiyê ko piştgiriya civînê kirin û hem pêdiviyên serkeftina civînê pêk anîn.
Jêder: Hevbendî
