Cîgira Serokê Hevbendiya Niştimanî ya Sûrî Dîma Mûsa, xurtiya viyan û rijdiya xelkê Siwêda yên ku hîn rojane derdikevin ji bo derbirîna daxwazên xwe yên guhertinê, di riya veguhestineke siyasî ya li ser bingeha cîbicîkirina biryara 2254an re, bilind nirxand.
Û Mûsa di daxwiyaniyin taybet de, îro roja înê, bal kişand ser ku tiştê xelkê Siwêda pê radibin derewên rijêmê û aliyên dîtir, ên derbarê “hebûna pilanên ji derve, û çespandina dabeşkirina welêt, û hebûna wêrankeran” eşkere dike, di riya hilgirtina gotara niştimanî ji hêla xelkê Siwêda ve, û piştgiriya sûriyan li tevaya deverên Sûriyê di kombûnên aştiyane de.
Û Mûsa bal kişand ser wê yekê ku tevgera aştiyane li Siwêda cihê xwe di dil û wijdanê sûriyan de li tevaya deverên welat girt, û cext kir ku di riya tevgera aştiyane re wan daxwazên rewa yên şoreşa Sûriyê yên ji 2011 de careke din dane pêş.
Û li bajarê Siwêdayê îro roja înê, xwepêşandanên mezin li qada Elkerame derketin, û xwepêşanderan daxwaza guhertina siyasî li welêt kirin, û tekez kirin cîbicîkirina biryara Encûmena Ewlekariyê 2254, takerêya gihiştina vê armacê ye.
Tê zanîn ku bi sedan kes ji deverên curbicur ên Siwêdayê û gundewarê wê û şandeyek ji kombûna sektora tenduristiyê ya ku ji komeke mezin ji bijîşk, dermansaz, birînpêç û xebatkarên din ên sektora tenduristiyê pêk hatibû, beşdar di xwepêşandanan de kirin.
Jêder: Ofîsa Ragihandinê ya Hevbendiya Niştimanî ya Sûrî