Berevaniya Sivîl ya Sûrî dît ku êrîşên rijêma Esed bi çekên li ser asta navdewletî qedexekirî di heyama heyva çirya pêşîn ya bûrî de tawana cengê ye, û jiyana sivîlan dixe bin metirsiyê, û yasayên navdewletî binpê dike.
Û Berevaniya Sivîl di raporeke nû de diyar kir ku rijêma Esed bi çekên li ser asta navdewletî qedexekirî deh caran di heyva bûrî de bikar anîn, û pê heft dever armanc kirin, 3 jê li Daret Ize, 2 Ebzîmo, 1 Eletarib, 1 kefer Noran, 1 Tirmanîn, 1 Eltewame û yek li Cisir Şixûr bikar hat.
Û Berevaniya Sivîl bal kişand ser ku neh êrîş jê bi mûşekên bi cebilxaneyên şewitandinê barkirî bûn, û di encamê de keçkek biçûk hat kuştin, û 4 kes birîndar bûn, di nav de sê zarok hebûn.
Û rapoê bal kişand ser ku hêzên rijêmê di êrîşekê de li ser Tirmanînê li gundewarê Idlibê çar mûşekên bi cebilxaneyên goşeyî berkirî bikar anîn, û ew êrîş bûn sedema kuştina du sivîlan û birîndarbûna heşt kesan di nav de du zarok û jinek hebûn, û anî ziman ku teqîna bermayên cenga rijêmê li ser gelê Sûriyê bû sedema birîndarbûna sê sivîlan di nav de zarokek û jinekê hebûn.
Ji aliyê xwe ve, Hevbendiya Niştimanî ya Sûrî ji civaka navdewletî daxwaza danîna sînorekî li pêş dijminkariyên rijêma Esed û Rusya li ser deverên rizgarkirî kir, û rijêmê neçar bikin ku pabendiyê bi biryarên navdewletî bike, û binpêkerên tawanên cengê û tawanên li dijî mirovahiyê li Sûriyê siza bibin.
Jêder: Ofîsa Ragihandinê ya Hevbendiya Niştimanî ya Sûrî
