Serokê Hevbendiya Niştîmnî ya Hêzên Şoreş û Dijberiya Sûriyê Enes El-Ebde, ji her yek ji Ferensa, Amerîka û Birîtanyayê re, ku wek endamên herdemî di Encumena Asayişê de têne naskirin, xwest ku rûniştineke awarte ji Encumena Asayişê re lidar bixin, derbarê rewşa meydanî li Sûriyê bi giştî û li Heleb û Dareya bi taybetî.
Û di hejmarek nameyan de ku serokê Hevbendiyê ji serokwezîrên wan dewletan re şandibûn, daxwaz ji Encumena Asayişê kiribû ku bi berpirsyaretiya xwe derbarê rewşa mirovî ya xerab li Sûriyê rabe, û bi taybet di dema beşdarbûna endamekî herdemî di encumenê de ku ew jî Rûsya ye di gurkirina şerê vê dawiyê de.
El-Ebde tekez kir ku gurkirina şer vê dawiyê li Sûriyê nîşaneke metirsîdar e ku rêjîma Esed wêrek bû di berdewamiya pêkanîna tawanan de, bi alîkariya Rûsya li aliyekî, û li aliyekî din bêdengiya navdewletî ya ku hişt rêjîma Esed bê sizakirin bimîne.
Serokê Hevbendiyê destnîşan kir ku hemû binpêkirinên ku rêjîma Esed pêk tîne, bi xwe binpêkirin ji yaseya navdewletî û biryarên Encumena Asayişê re tê dîtin, bi taybet yên 2118,2254,2139,2268,2166, û tekez kir ku berdewamiya wan binpêkirinan bê ceza û sizakirinê, dê qîmet û giringiya biryarên Encumena Asayişê heta heta bixe cihê gumanê.
Jêder: Hevbendî.
