Duh êvarî, semînerek bi navê ” Serkeftina Kongirê Hevrikiya Sûrî Li Riyadê û Hewldanên Melleya Bo Têkbirina Wî” di navdera Hevbendiya Niştimanî Bo Hêzên Şoreşê û Hevrikiya Sûrî û Encumena Niştimanî ya Berxwedana Iranî lidar ket. Endamê Desteya Siyasî di Hevbendiyê de Nezîr El- Hekîm û nûnera Hevbendiyê li Nerwicê Henan El – Belxî, herweha serokê Komîta Dadmendan di Encumena Niştimanî ya Berxwedana Iranî Sena Berq Şahidî tê de beşdar bûn.
El – Hekîm tekez kir ku destpêkirina kongir bi vê berfirehiya pêkhatiyan rejîma Esed û Hevalbendên wî aciz kirin, û yê bêtir aciz bû rejîma Melleyan li Iranê bû, û berdewam kir:” Guman dikim ku çareya siyasî wê Sûrî ji vê agirê ku Esed û hevalbend û hevparên xwe ji rejîma Iranî û Rûsî di kuştinê de gihandinê derxe “.
El- Belxî got :” Biryarên daxuyaniya Riyad wêneya rastîn da yekîtiya Hevrikiya Sûrî, û ew hebûna Esed ne di qonaxa veguhêz de û ne di paşeroja Sûrî de qebûl nake, û ev merc bû ku Rûsya û Tehran nedixwestin têkeve biryarên kongir , û di şertê xwe de têk çû”.
Sena Berq Şahdî serokê Komîta Dadmendan di Encumena Niştimanî bo Berxwedana Iranî got: ev kongir di demekê de hat ku şoreşa Sûrî berê baş bi rê de çûye, azmanê wê bi sedê hezaran ji stêrkên şehîdan hatiye dagirtin, û melyonên mişext û penaberan mecbûr bûn ku terka malên xwe bikin.
Zahidî bal kişaand ku li ser asta hevkêşiya hêz û cengên li ser erda Sûrî berdewam e, rejîma Iranî ku hemû hêz û samanê mezin bikar anîn, û hêzên pasvaniyê û milişî ji hemû welatên cîhanî anîn, li pêş vîn û berxwedêriya miletê Sûrî têk çû.
Şahidî tekez kir ku bi sedan ji endamên Pasvan û hêzên bi rejîmê û wilayeta El – Feqîh ve girêdayî ne, û bi dehan ji efser û cineralên pasvanên şoreşger hatin kuştin. Ziyan gihiştine sînorê kuştina Hisên Hemedanî û birîndarbûna Qasim Silêmanî bi birînin dijwar, ku nikare ji berya heyvekê de xuya bike, û ta derbasbûna hêza gewre ya Rûsya nedikarîbû hevkêşiya hêzan ji berjewendiya aliyê kuştin û tawankariyê re biguhere, û ev hemû bi saya berxwedêriya şoreşgerên Sûrî.
Jêder: Hevbendî
