Komîteya Partî û fraksyonên Siyasî di Hevbendiya Niştimanî ya Sûrî de, hevdîtineke diyalogî bi girûpek ji partî û hêzên siyasî yên niştimanî yên sûrî re di bin navê “kar ji bo retkirina hilbijartinên serokatiya rijêmê” li dar xist.
Û di hevdîtina diyalogî de herdu Cîgirên Serokê Hevbendiya Niştimanî Uqab Yehya û Ebdulhekîm Beşar û Hevrêzkarê Komîteya Partiyan, Ebdellah Gedo, û endamin ji komîte û desteyên siyasî û giştî amade bûn, her weha nûnerin partî û fraksyonên siyasî.
Û Cîgrê Serok Uqab Yehya civîn bi peyva li ser pilanên Hevbendiya Niştimanî û xebatên wê di pêwendiya li gel tevaya çalakî û beşên civaka sûrî vekir, û tekez kir ku Hevbendiya Niştimanî kar li ser beşdariya rasteqîn li gel tevaya aliyan û karê li ser nehêlana biserkeftina rijêmê dike, û bicîanîna veguhestina bi temamî ya desthilatê bo gelê sûrî di riya nûnerên wî yên şoreş û rikberiya sûrî re.
Û tekezî li ser pêwîstiya handana dijî hilbijartinên serokatiyê yên ku rijêma Esed xwe jêre amade dike û pabendiya Hevbendiya Niştimanî bi pirensîpên niştimanî yên dighînin rûxandina rijêma Esed bi hemû stûnên wê ve kir, her weha veguhestina desthilatê bo gelê sûrî û avakirina sûriya demoqratîk û piralî pêk bîne.
Û civînger li ser çawaniya kar li ser retkirina hilbijartinên serokatiya rijêmê axivîn, û cext kirin ku hilbijartinên bi awayekî tekane ji aliyê rijêmê ve bi xwe nakok e bi gotinên rijêmê û pabendiya wê bi destpişxeriya navdewletî re, derbarê çareya siyasî li Sûriyê li gor daxwiyaniya Cinêvê û biryara 2254.
Û civîngeran bêtir giringî dan avakirina hikumdariya hişmend li deverên rizgarkirî û rêşûnên helbijartinên pak li gor pîvanên navdewletî, û karê bi hev re di sûdwergirtina ji agahiyên bedrest li bal cûrbecûr hêzên siyasî yên sûrî derbarê tewanên rijêmê ji kuştin û wêrankirin û bazirganiya bi keresteyên hişbir û belavkirina xirabiyê di nav civaka sûriyê de.
Û tekezî li ser pêwîstiya xebatê li ser kartêkerkirina doseya lêpirsîn û sizayên navdewletî û cezakirina rijêmê li ser bikaranîna zêdetirî carekê ji çekên kîmawî re li bêhtir ji deverekê kirin, û serê rijêmê û kesên derdora wî bikşînin dadgehên navdewletî, û wî li ser tewanên dijî mirovahiyê ceza bikin, ew yek dihîle ku hilbijartinên serokatiyê yên ku rijêm xwe jêra amade dike ne rewa bin.
Jêder: Ofîsa Ragihandinê ya Hevbendiya Niştimanî ya Sûrî
