Hevrêzkara Ofîsa Karûbarên Penaberan di Hevbendiya Niştimanî ya Hêzên Şoreş û Rikberiya Sûrî de, Emel şêxo, bi gereke şopandinê li ser penaberên Sûriyê li ser sînorê Tirkiyê û Yonanistanê rabû, û tundiya ku penaber li ser destê deselata Yonanistanê dibînin şermezar kir.
Û Şêxo di daxwiyaniyin taybet de îro çarçemê bal kişand ku, hin zêdegaviyên ku artêşa Yonanistanê dermafê penaberan dikin, dighêjin asta tewanên ku divê lêpirsîn derbarê wan bibin, û diyar kir ku destdirêjiyên fîsîkî, yên ku di encamê de mirin jî çêdibe, binpêkirinin beloq in ji yasaya navdewletî re, û wek tewana kuştinê ye, û divê tewnkar bi dadmendî bêtin sizadan.
Û Şêxo diyar kir ku Hevbendiya Niştimanî dê bi rengekî yasayî tewana dermafê xortê sûrî Ehmed Ebo Îmad pêk hatiye bişopîne, ew xortê ku berî du rojan bi guleyekê hatibû kuştin, û got ku” em nikarin bêdeng bimînin an berdewamiya vî şêweyê tundî û binpêkirinên yasayî bipejrînin”.
Û Şêxo Daxwaz ji Karsparteya Bilind ya Karûbarê Penaberan kir, da tevaya berpirsyariyên xwe yên derbarê penaberên sûrî yên li ser sînorê Yonanistanê asê mane hilgire, û daxwaza destêwerdana bilez di bobelata mirovahî ya bidehên hezarên penaberan de yên “ li rastê mane, bê war û sitar, di bin rehma seqaya dijwar de” kir.
Û rêxistinên navdewletî yên mirovî han dan li ser rabûna bi erkên xwe, û destêwerdanê bikin ji bo rizgarkirina sivîlên ku ji yek ji kirêtirîn tiracîdyayên sedsala 21emîn reviyane.
Û Şêxo tekez kir ku xelkên sûrî xwe û zarok û malbatên xwe tûşî metirsuyê dikin, ji ber kêmasiyên cîhanê di sertaserî 9 salan di parastina wan de, û hiştina wan li ber balafirên dagîrkeriya rûsî û hovîtiya rijêmê û milîsên îranî yên mezhebperest.
Û Şêxo got :“ Dem hatiye ji bo civaka navdewletî, û bi taybetî Yekîtiya Ewropa, derdeseriya penaberên li ser xaka Tirkiyê bi şêweyek cedî li gel Tirkiyê parve bike”.
Jêder: Hevbendiya Niştimanî ya Hêzên Şoreş û Rikberiya Sûrî