Hevrêzkarê Girûpa Kar a Partî û Şepêlên Siyasî ya Hevbendiya Niştimanî ya Sûrî Mihemed Elî Îsa, di civînên Hevbendiyê yên xula 73mîn de, raporta karê girûpê pêşkêşî endamên Desteya Giştî kir.
Îsa behsa bizavên berdewam ên Hevbendiya Niştimanî kir ji bo berfirehkirina beşdariya di biryardana niştimanî de di dema bûyerên ku li herêma Rojhilata Navîn rû didin û bandora wan li ser dosyeya Sûriyê.
Îsa behsa civîna berfireh a rawêjkariyê ya vê dawiyê ya Girûpa Kar a Partî û Şepêlên Siyasî bi aliyên niştimanî yên Sûriyê re pêk aniye kir, ku tê de tekezî li ser pevguhertina nêrînan derbarê pêşhatên siyasî û meydanî li herêmê û gotûbêjkirina metirsî û derfetên texmînkirî ên ji ber wan pêşketinan hat kirin.
Îsa teqez kir ku encamên civînê erênî bûn, tê de amadebûyan hejmarek pêşniyar, pirs û raman ji bo gotûbêjê pêşkêş kirin, di nav de lidarxistina komxebatan ji bo lêkolînkirina awayên ku bêhtir giringî bo çareseriya siyasî li Sûriyê were dan di nava lîsteya qeyranên navdewletî de.
Îsa bal kişand ser wê yekê ku Girûpa Kar a Partî û Şepêlên Siyasî dê ji bo cîbicîkirina pêşinyarên ku di civîna şêwrê de derketine bixebite, û ya herî girîng jî lidarxistina komxebatan bi fraksyon û partiyên siyasî yên Sûriyê re û rolanekirina civînên komê ye, her weha berfirehtirkirina mekanîzmayên standina biryarên siyasî , û rêyên berfirehkirina endametiya komê bi rêya ragihandinê û vexwendina aliyin din û tevgerên siyasî ji bo beşdarbûna di civînên dahatî de.
Jêder: Ofîsa Ragihandinê ya Hevbendiya Niştimanî ya Sûrî
