Hevrêzkarê Komîteya Cezîre û Ferat ya Hevbendiya Niştimanî ya Sûrî, Ebdulbasit Ebdulletîf, tawana kuştina hovane ya ku li bajarê Reqayê dermafê mamosteya bi navê Nûr Elehmed û keça wê Rama ya temen heşt salî ya di mala wê de li taxa Elmişlib pêk hatiye, şermezar kir, û tekez kir ku milîsên PYDe yên terorîst agahiyên têkildarî tawanê vedişêrin, da ku têkiliya di navbera wan û çeteyên ku tawan pêk anîne de eşkere nebe.
Û duh roja yekşemê, bi hezaran xelkê bajarê Reqayê beşdarî xwepêşandaneke nerazîbûnê bûn û kuştina dayikê û zaroka wê şermezar kirin, û daxwaza sizakirina kujer kirin, û rûpelên xwecihî û çalakvanan di riya mediya civakî re wêne û tomarên xwepêşanderên ku li pêşiya mala qurbaniyan civiyane weşandin, û piştre berê xwe dan meydana Elneîm û li çend kolanên bajêr geriyan.
Û Ebdulletîf tekez kir ku belavkirina çeteyan û pêkanîna tawanan rêbazek e li bal milîsên PYDe yên terorîst, ew milîsên ku hewl dan xwepêşanda ku hevserê jina qurbanî û xelk têde beşdar bûn ji hev belav bike, û rê li kombûnê bigirin, û daxwazên wan ên cezakirina tawanbaran bi cih neynin.
Û Ebdulletîf cextî li ser pêwîstiya sizakirina kujeran û piştgirên sereke yên van çeteyên ku terorê di nav xelkê de belav dikin kir, û amaje bi wê yekê kir ku ev siyaset heman siyasetên ku ji aliyê rijîma Esed ve pêk tên e, ew rijêma ku Sûriyan li hember wê serî hildane, da ku ji tawanên wê rizgar bibin.
Jêder: Ofîsa Ragihandinê ya Hevbendiya Niştimanî ya Sûrî
