Hevrêzkarê Ofîsa Karûbarên Penaberan ya Hevbendiya Niştimanî ya Sûrî Selîm Idrîs, rapora Ofîsê pêşkêşî civîna Desteya Siyasî ya ku îro çarşemê lidar ketiye kir, û raporê bal kişand ser berdewamiya rewşa trajîdî ya penaberên Sûrî li Libnanê bi taybet ku zivistana îsal ji bo wan pir dijwar bû.
Û rapora Ofîsê behsa çewsandina ku penaberên Sûrî bi awayekî berdewam li Libnanê li bêhtir ji deverekê rastiyê tên, kir, û bi taybetî konên penaberan li devera “Deşta Cidêda Hermelê” rastî êrîşên komên nijadperest, yên ku xwe bi navê “Artêşa Xudan” didin nasîn, hatin.
Û Raporê bal kişand ser belavbûna tunebûna kar di nav niştecihên kampan de ji ber têkçûna sektora çandiniyê, çimkê piraniya penaberên sûrî li Libnanê di warê çandiniyê de dixebitin, û bal kişand ser wê yekê ku rêjeya malbatên sûrî yên ku ji alîkariyên Navdewletî sûdê werdigirin bi rêjeya 15% kêm bû, piştî ku Komîseriya Bilind a Penaberan ya Netewên Yekbûyî dora 35 hezar malbat ji lîsteya alîkariyên xwarinê û yên diravî derxistin.
Û raporê anî ziman ku tevî rewşa xirab a penaberên sûrî li Libnanê, lê kêmbûna hêviyê li Sûriyê dihêle ku rojane 20 heta 30 malbatên Sûrî ji Sûriyê ber bi Libnanê ve birevin, ji ber xirabiya rewşa jiyanê li welêt.
Û Rapora Ofîsa Karûbarên Penaberan, amaje bi wê yekê kir ku piştî bobelata erdheja ku bi sedema wê bi hezaran kes malên xwe ji dest dane, niha di kampan de dijîn li benda alîkariyan e ji bo sax bimînin.
Û Idrîs daxwiyaniyên kirêt ên Patrikê Libnanê Beşara Elraî dermafê sûriyan şermezar kirin, û amaje bi wê yekê kir ku ew ne li gor peyama olan e, û ne jî guncavî gotara olî ye, ya ku dixwaze aşitî û hezkirinê di navbera gelan de belav bike, ne ku nijadperestî û nefretê gur bike.
Jêder: Ofîsa Ragihandinê ya Hevbendiya Niştimanî ya Sûrî
