Hevrêzkarê Pêwendiyên Derve di Hevbendiya Niştimanî ya Hêzên Şoreş û Rikberiya Sûrî de, Ebdilehed Stêfo, tekezî li ser pêwîstiya dana destûrê bo Encumena Mafên Mirovan kir, ji bo tevaya binpêkirinên mafên mirova li Sûruyê rawestîne, û rê li pêşiya pirosesa siyasî ya ji bo pêkanêna veguhestina siyasî li gorî biryara 2254 xweş bike.
Û Stêfo pesnê pirojeyê ku Birêtaniya da, yê binavê Firansa, Almaniya, Îtaliya, Urdun, Kiwêt, Mexrib, Holanda, Qeterê û Tirkiyê ve ji Encumena Mafên Mirovan re pêşkêş kiriye, derbarê veşartina binpêkirinên mafên mirova li Sûriyê.
Û Stêfo bal kişand ku rawestandina tundiyê û gihîştina çareya siyasî li Sûriyê bêyî liv û tevgera navdewletî ya rast û çalak ne gengaz e, ew jî di riya destnîşankirina kesên binpêkirin pêkanîne û cezakirina wan, û bikaranîna fişaran li ser rêjîma Elesed daku tevlî piroseseke siyasî domdar bibe.
Û Birêtaniya ragihand ku wê pirojeyê 33 pêşkêş kiriye, ew piroje hejmareke mezin û berfireh ji destdirêjî û binpêkirinên mafêm mirova li Sûriyê li xwe digire, piştî derketina delîl û belgeyan,wê gavê biryar berpisyariya wan binpêkirinên çêbûne, dixe stûyê wan kesan.
Û li gorî Wezareta Derve ya Birêtaniya belav kiriye, nivîsa wê biryarê tekeziyê li ser metirsiya rewşa parêzgeha Idlibê û deverên derdorên wê, û gurkirina tundiyê yaku di dawiya sala 2019an û bihara sala 2020an rûdaye, û bûye sedema derbiderbûna derdora melyonek mirov, nîvê wan zarok bûn, şermezar kir.
Û piroja biryarê pêşwaziya rêkeftina agirbesta ku di 5ê adarê de li ser li hev kirine kir, û ji tevaya aliyan daxwaza pabendiya bi rêkeftinê kir.
Û dewletên beşdar di dariştina biryarê de, piştgiriya xwe ya temamî ji rola Komîteya Lêpirsînê di belgekirina hemû binpêkirinên mafên mirova û destdirêjiyên li Sûriyê çêbûne diyar kir.
Û pirojeya biryarê hewl dide ku karê komîteya lêpirsînê nû bike, û jê dixwaze ku raporeke taybet li ser rewşa parêzgeha Idlibê û deverên derdora wê amade bike.
Jêder: Nivîsgeha Ragihandinê ya Hevbendiya Niştîmaniya Sûriyê