Tîmê Hevrêzkarên Bersivdanê li Sûriyê, bi tundtirîn gotinan armanckirina nexweşxane, dibistan, bazar û kampan bi mebest li bakur rojavayê Sûriyê şermezar kir, û daxwiyaniyê diyar kir ku ev sivkatiyek eşkere ye bi jiyana sivîl di dema nebûna tam ji çi bizavên rawestandinê ji van kiryarên dijî mirovahiyê re.
Û Tîmê Bersivdanê di daxwiyaniyeke xwe de got ku armanckirina dawîn ji yek ji kampên derbideran re li gundê Kiwêt Elrehmê li derdora Efrînê bakurê Helebê ji aliyê milîsên PYD ve, bû sedema wêrankirina hejmarek ji çadir û xaniyan û ketina hejmarek ji qurbaniyan û birîndaebûna hin derbideran.
Û daxuyaniyê bal kişand ser ku ev armanckirin di nav siyaseteke yekgirtî ya tevaya aliyan (Rejîma Esed, PYD, Îran û Rûsya) ye, ji bo têkbirina pêdiviyên jiyanê li bakurê rojavayê Sûriyê.
Û daxuyaniya Tîmê anî ziman ku ji destpêka îsal de hejmara avahî û jêrxaneyên ku ji hêla wan aliyan ve hatine armanckirin, bêhtir ji 28 sazî û kamp û deverên xizmetguzariyê bûn.
Û Hevrêzkarên Bersivdayînê tekez kirin ku ev armanckirin mîna tawaneke cengê ya metirsîdar e, û li doseya tawanên ku ji hêla wan aliyan ve li deverê pêkhatine zêde dibe, û ew beşek ji stratejiyeke leşkerî ya bimebest e, bo wêrankirina jêrxana sivîl û bêparkirina sivîlan ji hemû pêwîstiyên jiyanê û şiyanên zindîmanê.
Û ji aliyê xwe ve Hevbendiya Niştimanî di daxwiyaniyeke xwe de, duh êvarî, Tawana nû yaku milîsên PYDe yên teroristî di riya bombebarankirina gundê Kiwêt Elrehmê re pêkaniye şermezar kir, û tekez kir ku Milîsên PYDe yên terrorist, bi awayekî berdewam bi kiryarên dijminkarî û tawankarî radibin, û ev yek jî tekez dike ku ew rûyekî din yê rêjîma Esed e, û herdu jî li ser kuştina sivîlan û wêrankirina deverên rizgarkirî û kuştina gelê Sûriyê û mezinkirina trajediya mirovî kar dikin.
Jêder: Ofîsa Ragihandinê ya Hevbendiya Niştimanî ya Sûrî
