Dezgehên ewlekariyê yên rijêma Esed bi şaxên wê yên cuda, di girtina ser mal û dikanên bazirganî de li gundewarê Şamê û tengkrina jiyana sivîlan di riya rawestandina li ser xalên pişkinînê û lêgerînên kesane û kontrolkirina welatiyên ku di rêbendan re derbas dibin, bi armanca girtina kesên ku hêzên ewlekariyê li wan digerin, berdewam in.
Û çalakvanan gotin ku girûpên gerok ên hevbeş ên Ewlekariya Leşkerî û Ofîsa Ewlekariya Tabûra Çaremîn, helmeteke mezin a serdegirtinê pêk anîne dijî bidehên mal û dikanên bazirganiyê û zeviyên çandiniyê li bajarokê Elsebora li gundewarê Şamê.
Û her weha girûpên gerok ên hevbeş di navbera Ewlkariya Siyasî û Ewlekariya Tawanî, bi helmeteke serdegirtinan rabûn, û ji sibeha roja îna borî de dest bi armanckirina malên niştecihan û dikanên bazirganî li herdû bajarên Qudseya û Elhame li gundewarê Şamê kirin.
Û malpera Sewt Elasîme, girtina zêdetir ji 30 kesî, bêhtirê wan ji cotkarên ku di nav zeviyên xwe de li bajarokê Elsebora li gundewarê Şamê dixebitîn, girtin. Û bal kişand ser ku helmeta ewlekarî roja çarşemê 19 cotmeha em têde dest pê kiriye û hîn jî berdewam e.
Û di helmeta ewlekarî ya li ser herdû bajarên Qudseya û Elhame de, ta niha du ciwan ji niştecihên deverê hatine girtin, ew jî di dema ku di ser rêbendeke demkî ya Hêzên Ewlekariya Siyasî re derbas dibûn.
Û di demeke berê de ji vê heyvê, Şaxê Ewlakiya Leşkerî li Şama paytext, helmetek serdegirtin û binçavkirinê li bajarokê Elhame pêk anî, û di wê helmetê de 13 ciwan wek giraw û rehîne li şûna kesên ku amûrên dewletê li wan digerin, hatin girtin.
Û Hevbendiya Niştimanî ya Sûrî tekez kir ku rijêma Esed hîn di tawanên dermafê sivîlan de di riya operasyonên girtin û îşkencekirin û kuştinê re berdewam e, û cext kir ku ew jî beşek ji rêbaza tawankarî ye, da ku gelê Sûriyê serî li pêşiya desthilata wê biçimîne, û nehêle çi guhertin li welêt çêbibe.
Û careka dî tekezî li ser kartêkerkirina pirosesa siyasî û cîbicîkirina biryarên navdewletî yên têkildarî karûbarê Sûriyê û di pêşî de daxwiyaniya Cinêvê û herdû biryarên 2118 û 2254 kir, ji bo ku bighînin çareyeke siyasî ya derdeseriyên gelê Sûriyê bidawî bîne, û hêviyên wan ên azadî û rûmet demoqrasiyê pêk werin.
Jêder: Ofîsa Ragihandinê ya Hevbendiya Niştimanî ya Sûrî
