Alayên leşkerî ragihandin ku rêkeftina agirbestê di Sûriyê de “bi yekcarî têkçûye” û derfeta 48 demjimêran dan bo dewletên çavdêr ji rêkeftinê re, ji bona neçarkirina rêjîma Esed û rawestandina êrîşên wê li ser dareya û Xûta rojhilat li gundewarê Şamê, û herwiha Hevbendiya Niştimanî Ya Hêzên Şoreş Û Rikberiya Sûriya, piştgiriya xwe bo vê biryarê tekez kir.
Hêzên leşkerî duhî roja yekşemê di daxuyaniyekê de ragihandin ku “li bin sîbera berdewamiya êrîşên rêjîmê û hevalbendên wê li bajarê Dareya li ser sivîlan, û ne pabendiya wan bi rêkeftina rawestandina karên dijminkariyê û herwiha ku civaka navdewletî li aliyek din nikare qotîkeke şîrê zarokan derbasî bajarê dorpêçkirî bike, tevî pabendbûna hêzên şerker li Dareya bi rêkeftina rawestandina karên dijminkarî, lê rêjîmê û li berovajî vê yekê dest bi oparisyonên xwe yên hovane kir bi peyadekirina siyaseta qada şewitî”.
Hêzên leşkerî diyar kirin ku van sedeman hiştin ew bibînin ku rêkeftina agirbestê ” yekcarî têkçûye”, û gotin ku ew wê hemû karên tên xwestin bikin ji bona ” berevaniya di ber milet de”, herwiha derfeta 48 demjimêran dan aliyên çavdêr ji rêkeftinê re, ji bona neçarkirina rêjîmê û hevalbendên wê li ser rawestandina êrîşan li ser Dareya û Xûta rojhilat”, herwiha daxwaz ji civaka navdewletî kirin ji bona “rizgarkirina Dareya ji gefa qirkirinê” ligor deqa daxuyaniyê.
Ji aliyek din di daxuyaniyekê de Hevbendiya Niştimanî Ya Hêzên Şoreş Û Rikberiya Sûriyê, piştgiriya xwe ji biryara hêzên leşkerî û hêza artêşa azad re derbarê rêkeftina rawestandina karên dijminkariyê re dupat kir, û ku ew beşdariya helwesta wan dike, Herwiha Hevbendiya Niştimanî berpirsyaretiya têkçûna rêkeftinê û paşî derencamên wê xist di stûyê rêjîma esed û hevalbendên wê de, yên bi her awayekî hewl didan ji bona binpêkirina agirbestê, bê ku karvedanek cidî ya navdewletî li hember hebe.
Hevbendiyê da zanîn ku civaka navdewletî têkşikest di hilgirtina berpirsyaretiya xwe ji bo peydakirina rêkarên pêwîst bo bicihkirina biryarên dada navdewletî, ku rêkeftin bo perdeyek ji bona berdewambûna tawankariyan, her wek ya diyar e ji tevaya cîhanê re.
Hevbendiyê silav û hurmet dan qurbaniyên şoreşgeran û artêşa azad û hêzên pabend bi armancên gelê sûriyê, hevdem tekez kir ku kur û keçên vê şoreşa payebilind, wê bimînin pabend bi armanc û piransîpên wê û wê pabend bin bi rêbaza wê heta pêkanîna azadî û dad û rûmetê.
Têzanîn ku di 27’ê reşemeha bûrî de, encûmena ewlekariya navdewletî biryara hejmar 2268 standin, ya ku têde piştgiriya rêkeftina agirbestê û rawestandina karên dijminkarî di sûriyê de hat pesend kirin, di têgiheştinekê di navbera Rûsiya û Amerîka de.
Jêder: Hevbendî
