Dezgehên ewlekariyê û hêzên Rijêma Esed di danîna kemînan û serdegirtina malan de li deverên Xotaya rojhelat ji bo girtina xortan bi bihaneya reva ji xizmeta leşkerî berdewam in, û çalakvanan girtina 10 xortan li bajarokên “Cisrîn” û “Kefir Batna” li gundewarê Şamê roja Yekşemê ragihand.
Û Malpera “Dengê Paytextê” anî ziman ku dewriyeyên hevbeş yên Asayîşa Leşkerî û Polîsên Leşkerî di çarçoveya helmetên serdegirtin û desteserkirinê de zêdetir ji 10 xortan girtin, ku piraniya wan ji bo leşkeriya neçar xwestî ne.
Û bal kişand ser wê yekê ku helmet hevdem bû bi amadebaşiyeke ewlekarî û belavkirina rêbendên demkî li ser kolanên sereke û xaçerêyan, û helmetên ewlekarî giringî dabûn riya di navbera dibistana “Kefir Betna” ta dighêje şaredariyê û ta deriyên bajarokê “Cisrîn” ji aliyê “Elmilêha”ve.
Tê zanîn ku Şaxê Ewlekariya Leşkerî di 30ê Çiriya Pêşîn de, 11 xort li bajarokê “Ên Terma” girtin, di çarçoveya helmeteke ewlekarî ya mîna wê de û piraniya girtiyan ji kesên ku xizmeta leşkerî nekirine ne.
Û dewriyeyên hevbeş yên Ewlekariya Leşkerî û Ofîsa Ewlekariyê ya Firqeya Çaran, di 19ê heyva cotmeha bûrî de êrîş û helmetên serdegirtin û lêgerînê yên mîna wê dermafê bi dehan mal û dukanên bazirganî û zeviyên çandiniyê li bajarokê “Elsebûra” li gundewarê Şamê pêk anîn, û di wê helmetê de 30 kes girtin.
Jêder: Ofîsa Ragihandinê ya Hevbendiya Niştimanî ya Sûrî
