Riyad Hicab, hevrêzkarê Desteya Bilind Ya Danûstandinên Sûriyê got: eger em çûn danûstandinên cinêv3 di 25ê sibatê de, em ê li ser xalekê tenê danûstandinan bikin, ew jî Desteya Hikûmeteke Veguhêz ya xwedan hemû desthilatan e.
Û Hicab tekez kir ku Rikberî rojekê tenê jî rûnanê eger tewerê danûstandinan ne Desteya Veguhêz be ku tenê wateyek wê heye, ew jî ew e ku Beşar Esed û rêjîma xwe divê di desthilatê de nemînin.
Û got ku herdû xalên 12 û 13 yên biryara Navdewletî yên derbarê rewşa mirovahî ne cihên danûstandinê ne, û nabin cihê keysjêanîna siyasî.
Û bersiva daxuyaniyên serê rêjîmê da û got”kesê xayin ew e yê ku gel dikuje, û yê ku di rûyê şoreşa milet de derket û welat kir meydanek ji şerekî navdewletî re”. û pirsî: eger rikberî ne nûnerê gel be, gelo Beşar nûnerê kê ye? Û got ku “Beşar lîstokeke di destê Îran û Rûsiya de”.
Û Hicab ji Beşar xwest ku bela şerm bike dema behsa serweriyê dike, û di bîrê anî ku rêkeftina Zebedanî û Kefreya û Fo’ia , ne wî emza kir lê Îran û “Ehrar Elşam” bûn.
Hêz û çekên ku bi ser miletê me de dibarin, tenê 10% yên rêjîmê ne, û 90% yên Rûsiya û Îranê û çeteyên regezperest yên Libnan û Îraq û Efxanistanê ne, ev tê wateya ku ti hebûn jê re tune ye, û Esed Sûriya kiriye welatek têkçûyî.
Û Hicab diyar kir ku Rûsiya û Îran siyaseta guhertina dîmografî ya ku tê wateya lêdana civakan û neçarkirina wan ji bo dest ji xaka xwe berdin, di dema ku yasaya regeznameya hevwelatîbûna Sûriyê diguhere, da ku wî mafî bide refên Libnaniyan û ji bilî libnaniyan jî, li ser bingeha axaftina Esed dema dibêje , Sûriya ya wî kesî ye, yê ku berevaniyê di ber de dike, anku di ber kursiyê wî de.
Û Hicab dît ku siyaseta Rûsiya armanc jê sepandina guhertinan di hevsengiya hêzê de ye, wek gaveke pêşwext ji danûstandinên bên re, lê wî tekez kir ku” tiştê ku te bi şer bi deset xwe ve naniye li ser maeyê bi dest te nakeve”.
Her weha hevrêzkarê giştî yê Desteya Bilind ya Danûstandina got ku hêzên şoreşê û artêşa azad li hejmarek ji eniyan li ser erdê şer dikin, eniya DAIŞê û ya Pasdarên Şoreşger yên Îranî û ya nandozên ji Libnan û Îraq û Efxanistanê û milîşên PYD.
Tevlî weha jî di daxuyaniyin berê de tekez kiribû ku rikberî erda xwe ya ji dest daye vedigerîne û “hûnê tiştin xweş bibînin” di demek nêzîk de, û dît ku ev bombebarana pir ya ku bi ser rikberiyê de ji asmanan dibere, nayê wê wateyê ku Rijêm û hevpeymanên xwe Karin Erdê di destê xwe de bihêlin û bikin baregeh ji xwe re.
Û derbarê hewar-çûna deverên dorpêçkirî, Hicab got ku herdû civînên Miyûnixê û girûpa Viyêna encam dan ku wê bi gihandina alîkariyan bo şeş deveran dest pê bikin, lê Dêrazorê ya ku DAIŞ wê dorpêç dike, wê alîkarî bi firokan ji wan re bên avêtin.
Jêder: Alcezîre