Tora Sûrî Ya Mafên Mirovan diyar kir ku ji destpêka derbasbûna Rûsya bo Sûriyê di dawiya Îlona bûrî de, 27 baregeh û navendên pijişkî kirine armanc, û destnîşan kir ku di encama van êrîşan de 58 kes şehîd ketin, di nava wan de 11 kadroyên pijişkî hebûn.
Ev yek di raporeke toreyê de hatiye, ku îro roja Înê derketibû li jêr navnîşana”Sotangeha Xerozonî-Heleb”.
Toreyê lêzêde kir ku êrîşên hatin belgekirin ji 15ê Sibata niha ve, li ser 17 beşan belav dibin, li deverên di jêr desthilata Artêşa Azad û hêzên şoreşê de, û di serî de bajarê Helebê, û 10 êrîş li deverên li jêr kontrola DAIŞê de, di serî de bajarê Reqayê.
Li gor raporê, di encama wan êrîşan de 58 sivîl hatin kuştin, di nava wan de 3ê zarok, 8 jin, û 11 ji kadroyên pijişkî hene, û tekez kir ku piraniya êrîşan bi awayekî bêserûber bû, yan bi mebestî bû, û topbarankirina sivîlan bû”.
Di heman mijarê de, toreyê da zanîn ku” Rêjîma Rûsî biryara Encumena Ewlekariyê hejmar 2139 bi awayekî ku guman têde qebûl nabe binpê kiriye, di rêya topbarankirina bê serûber, herwiha binpêkirina gelek bendên yasaya navdewletî ya mirovî, ku bi dehan tawan yên dibin ku tawanên cengê bin pêk anîbûn “.
Ji aliyê xwe ve Encumena Ewlakriya Navdewletî di Sibata 2014an de biryara hejmara 2139 derxistibû, ku têde daxwaza rawestandina êrîşên li ser sivîlan kiribû, herwiha stendina tedbîrên pêwîst bo gihandina alîkariyên mirovahî bi awayekî lezgîn û bê astengî bo her kesê bi heweceyî alîkariyê .
Toreyê di rapora xwe de diyar kir ku”Rêjîma Rûsî dixwaze nameyekê bighîne civaka Sûrî, li deverên Dijberiyê, di rêya armanckirina baregehên pijişkî de, ku devereke aram ji wan re nîne, û ti hêleke sor tine ku nikare bike armanc, mîna êrîşên rêjîmê, lê bi awayekî mezintir”.
Lêzêde kir:” Em qebûl nakin Rûsya aliyeke be ku serkêşiya operasyona siyasî bike ji akiyekî ve, û ji aliyekî din ve tawanên hovane pêk tîne, ji topbarankirina baregehên pijişkî, û kuştina sivîlan, û ti mejî vê yekê qebûl nake, û divê topbarana xwe ya hovane rawestîne”, û daxwaz ji Amerîka û Ewropa kir, ku”Rûsya nebînin hevpişk di dîtina çareseriya siyasî de li Sûriyê”.
Raporê da zanîn ku stratêjiya ku Rûsya hevpişke di operasyona siyasî de, hişt bi sedê hezaran ji Gundewarê Bakur yê helebê koçber bibin, û li ser sînorê di navbera Tirkiyê û Sûriyê de bi cih bibin, di heyama sermeyeke dijwar de, ku ev yek fişarek mirovahî li ser Hikûmeta Tirkiyê çê kir”.
Ferhan Heq Cîgirê Berdevkê bi navê Sekretêrê Giştî yê Neteweyên Yekbûyî, Duşema bûrî ragihand, ku derdora 50 kesî, di nava wan de zarok hebûn, hatin kuştin di dema topbarankirina 5 baregehên pijişkî û 2 dibistan bi rokêtan li Heleb û Idlibê, herwiha hin aliyên dijber û çend dewletan Rûsya bi pêkanîna van êrîşên dawî tawanbar kir,û Rûsiya ev tomet red kir.
Jêder: Hin Ajans