Şandeya desteya bilind ya danûstandinan, duh êvarî bi serokatiya Riyad Hicab hevrêzkarê giştî yê Desteyê civînek bi wezîrê karûbarê derve yê Turkî Mewlûd çawîş Oglo re li avahiya wezareta karûbarê derve ya Turkiyê li Anqerayê li dar xist, û têde behsa rewşa mirovî ya têkçûyî li bajarê Helebê û tevaya parêzgehên Sûriyê, ji encama gurkirina Rêjîmê ji oparasyonên bumbebarana asîmanî û ya bi topxaneyan li ser deverên ava û nişteciyan hat kirin.
Her weha şêwe û rêyên rawestandina karên dijminkarî û rûbirûbûna binpêkirinên metirsîdar derheqên sivîlan li gelek parêzgehên Sûrî hatin gengeşekirin, her weha nirxandina paşeroja pirosêsa siyasî, ku hevrêzkarê giştî yê desteyê hişyarî da li ser metirsîdariya rewşa mirovahî li Sûriyê, û bi taybetî li herdû parêzgehên Heleb û Idlibê yên ku Rêjîmê û hevalbendên xwe hejmarek ji komelkujiyên tirsnak û diltezên di rojên bûrî de li wan pêk anîne, di dema ku civaka navdewletî mijûle bi şopandina helmeta leşkerî ya ku hêzên Hevpeymaniyê dijî rêxistina DAIŞê li rojhilatî welat pêk tînin.
Û Hicab hişyarî da li ser encamên mirovahî yên operasyonên vê dawiyê yên ku dihêlin sedên hezaran ji Sûriyan penaberî dewletên cîran bibin, û dihêle derdeseriya gelê Sûriyê zêdetir bibe, û tekezî kir li ser giringiya lixwegirtina destpêşxeriyeke giştgîr di heyva remezanê de ku têde: rawestandina tevaya karên dijminkarî hebe, û her weha vekirina dorpêçê ji ser deveran, û serbestberdana girtiyan, û gihandina alîkariyan bo nêzî 1.5 milyon sivîlên dorpêçkirî li gelek parêzgehên Sûriyê, û tekez kir ku dem hatiye ji bo gihandina alîkariyan di riya asîmanî re ji bo deverên ziyan li wan bûyî, di dema ku Rêjîm serhişkiyan dike û berdewam e di bikaranîna birçîkirina sivîlan wek siyaseteke rêbazkirî.
Û Hicab tekez kir ku Deste niha kar dike ji bo daraştina nerîneke giştgîr ji bo çareseriya siyasî, û dixwaze li ser tevaya pêkhateyên civakî li Sûriyê vekirî be, di riya berfirehkirina riyên pêwendiyan bi rêxistinên civaka sivîl û dezgehên ragihandinê re, û şopandina çanda hevqebûlkirin û guftûguyan bi hemû pêkhateyên civakî û hêzên siyasî re, û hevkariya bi navendên ramangîrî re bi armanca bihêzkirina karê pîşeyî, û zengînkirina Desteyê bi vekolînên rasteqîne yên ku alîkariyê di standina biryaran dikin.
Jêder: Hevbendî