Hevrêzkarê giştî yê Desteya Danûstandinan Riyad Hicab, doh, di nameyekê de ji Emîndarê giştî yê Netewên Yekbûyî Ban Kî Mon re, hişyarî da der barê Koçkirina Kotekî û guherandina dîmugrafî ko Rêjîma Esed bi şêweyekî berfireh û aşkere li jêr navê agirbestên xwecihî û lihevhatinê bi taybetî li Gundewarê Şamê pê radibe.
Hicab di nameya xwe de tekez kir ko Kampanya asmanî ya ko Firokên Rêjîmê û dijminkarên Rûsî dijî Sivîlên Helebê pêk tînin, ji bo veşartina karên hêzên Rêjîmê û hevalbendên wê ye, û guhertina berê baldêriya xelkê ji ser tiştê ko li Gundewarê Şamê û Humsê û cihên din dikin. Ku piştî Dareya, nuha niştecihên Qudseya û Elhamê û cihên din li Gundewarê Şamê û her wiha taxa Elwe’ir koçber dikin.
Hicab destnîşan kir ko operasiyona rêbazkirî ya ko Rêjîm bi piştgiriya Rûsya û Îranê û milîtanên tirorist yên mezhebperest ji Îran, Îraq û Efxanistanê û nandozên Rûsî dike, di heman dema operasiyona guherîna dîmugrafî û koçkirina kotekî de ye, ya ko Rêjîm bi piştgiriya Rûsya û Îranê pêktîne.
Hicab daxwaz ji Netewên Yekbûyî kir ko serpereştiya bizaveke Navdewletî ya kêrhatî û bilez bike, tako tiştên dibin rawestîne û derdê vî miletê hêja bidawî bike.
Jêder: Hevbendî
