Hevrêzkarê giştî yê Desteya Bilind ya danûstandinan Riyad Hicab, nameyek ji emîndarê giştî yê nû yê Netewên Yekbûyî Entonyo Gotîrîs re şand, têde daxwaza rawestandina yekser ji êrîşên bêserûber ên ko dijî sivîlan ji hêla Rêjîmê û milîtanên Îranî dibin kir, û bihêle ko pabendiyê bi peymana agirbestê ya ko ji 30 çileyê pêşî dest bi cîbicîkirinê kiriye bikin.
Hicab di nameya xwe de got: “em ji we dixwazin ko hûn rê nedin van kirdeyên kirêt yên ko dê peymaneke din ya agirbestê têk bibin, divê hûn pêrabûnin yekser bikin, tako hêviyeke nû libal miletê Sûrî bi pêvajoya siyasî û çareseriyeke aştiyane çêbibe. ”
Hicab destnîşan kir ko Rêjîmê û Hevalbendên xwe peymana agirbestê bêtir ji 322 caran binpê kirine, û bêtir ji 271 kesî kuştine. Bêtir got ku Rêjîmê Wadî Bereda bi bermîlên teqîner û mûşekên bi gaza kilora jehir barkirî bombebaran kiriye.
Hicab daxwaz ji Netewên Yekbûyî kir ko rastiyan li Wadî Bereda bişopîne, û got ko Rêjîm operasiyoneke hovane li gora pirinsîba “eger hûn serê xwe netewînin hûnê ji birçîna bimirin ” dijî bêtir ji 100hezar xelkên Wadî Bereda pêk aniye, hem jî 1200 kes di sê rojan de koçber kirine, piştî ko qaşo agirbest cîbicî bû, û rewşa wan kesên mane roj bi roj kambaxtir dibe.
Her weha Hevrêzkarê giştî berpirsiyariya wêrankirina jêderên avê ya Eyn Elfîcê li Wadî Berda, da ser hustê Rêjîmê û hevalbendên wê, yên ko hiştine 5.5 milyon mirov li Şamê ji jêderên ava jiyanê bêpar bibin.
Hicab tekez kir ko “berdewamiya rêjîmê û hevalbendên wê di nepabendîya bi agirbestê, wê bike ko bingehên peymanê têk biçin, û dê toza peymaneke têkçûyî ya din li pey xwe bihêle.” û daxwaz ji Encûmena Ewlekasriyê kir ko yekser van binpêkirinan rawestîne, û yên ku yasaya navdewletî binpê kirine siza bikin.
Jêder: Nivîsgeha Ragihandinê ya Hebendiya Niştimaniya Sûrî
