Serokê Hikûmeta Sûrî ya Demkî Ebdilrihman Mustefa, bi gerekê bo bajarê Serê Kaniyê li gundewarê Hesekê rabû, û bi cotkar, bazirgan û risipiyên deverê re civiya, û baregeha nû ya Hikûmetê li bajêr vekir.
Û Cîgirê Serokê Hevbendiya Niştimanî ya Sûrî Ebdilmejîd Berekat û Cîgirê Waliyê Orfa Ebdihemîd Oyar û Emîndarê Encûmena Êl û Eîşîrên Ereb Cihad Mer’î hevaltiya Serokê Hikûmetê kirin, her wiha hejmarek ji endamên Hevbendiyê û Encûmena Êl û Eşîran û herdû Serokên Encûmenên Xwecihî yên Serê Kaniyê û Girê Sipî amade bûn.
Û Hikûmeta Sûrî ya Demkî got ku vekirina baregeha wê ya nû li bajarê Serê Kaniyê, beşek ji pilana wê ya xurtkirina dezgehan û pirtirkirina pêwendiyan li gel xelkê deverê ye.
Û tekez kir ku xurtkirina hebûna Hikûmeta Sûrî ya Demkî li deverên rojhilatê Ferêt, dê bi awayekî erênî bandorê li rewşa deverê bi giştî bike, û çarçoveya xizmetguzariyên pêşkêş dibin berfireh bike.
Jêder: Ofîsa Ragihandinê ya Hevbendiya Niştimanî ya Sûrî
