Hikûmeta Sûrî ya Demkî ragihand ku serokwezîr Ebdulrehman Mistefa duh, sêşemê, kevirê bingehîn ji bo avakirina nexweşxaneya zanîngehê li bajarê Soran li gundewarê bakurê Helebê danî, ku ev yekemîn nexweşxaneya bi vî cureyî li herêmê ye.
Wezîrê perwerdeyê, wezîrê rêveberiya xwecihî û xizmetguzariyan, wezîrê dadê, wezîrê darayî û aborîyê, sekreterê giştî yê hikûmeta Sûrî ya demkî, serokê zanîngeha Helebê li herêmên rizgarkirî, Serokê Fakulteya Bijîşkî li Zanîngeha Helebê, Rêvebirê Tenduristiya Helebê û Serok û endamên Encumana Xwecihî li bajarê Soran û hejmareke mezin ji xwendekaran û malbatên wan ên li wê herêmê li gel serokwezîrê hikûmetê amade bûn.
Mistefa di gotara ku ji amadebûyan re pêşkêş kir de, tekezî li ser giringiya avakirina nexweşxaneya zanîngehê li bajarê Soran ji bo bidestxistina geşepêdanê kir, bi taybetî di riya dabînkirina pizîşkên pispor ku bikarin rewşa sektora pizîşkî baştir bikin, û dît ku proje stûneke bingehîn e ji bo dabînkirina pêdiviyên fakulteyên pijîşkî, û amaje bi wê yekê kir ku nexweşxane dê ji bo pêşxistina xizmetguzariyên pizîşkî û dermankirinê û kar bike û piştgirîya ji bo bilindkirina kalîteya sîstema tenduristiyê li navçeyên rizgarkirî pêşkêş bike.
Û bal kişand ser wê yekê ku nexweşxane dê giraniyê bide ser rahênana xwendekarên kolêja pizîşkî û peydakirina pisporî, zanîn û karînên pêwîst ji wan re ji bo bidestxistina armancên proseya xwendinê.
Her weha diyar kir ku dê kadroyên pizîşkî yên pispor di warên cuda de ji nexweşxaneyê re bên dabînkirin, û amûr û kelûpelên pizîşkî yên pêwîst jê re bên peydakirin, û tevgera ji bo lêkolînên zanistî di warên pizîşkî yên cuda de were handan da beşdarîyê di peydakirina çareseriyan ji nexweşî û pirsgirêkên pizîşkî re bikin .
Mistefa tekezî li ser berdewamiya kar ji bo dabînkirina hemû pêwîstiyên herêmê, pêşxistina saziyan, mukumkirina ewlehî û aramiyê û baştirkirina rewşa jiyanê di hemû warên tenduristî, perwerde û xizmetguzarî de kir, da ku deverên rizgarkirî bibin nimûneya geşepêdan û pêşketinê.
Nexweşxaneya zanîngehê li bajarê Soranê bi rûbera 2 hiktaran berfireh e, ji du qatan bi rûbera 3 hezar metre çargoşe pêk tê û piraniya beş û pisporiyên pizîşkî tê de hene.
Jêder: Ofîsa Ragihandinê ya Hevbendiya Niştimanî Sûrî
