Hikûmeta Sûrî ya Demkî rapora karê xwe yê dema bûrî li pêşiya Desteya Giştî ya Hevbendiya Niştimanî ya Sûrî raxist, ew jî di civînên rola 54emîm ên ku li dar ketin de.
Û Serokê Hikûmeta Sûrî ya Demkî Ebdulrihman Mustefa, şiroveyek derbarê karê Hikûmetê li deverên rizgarkirî yên ku têde girîngî dane bilindkirina asta ketwarê xizmetguzarî û aboriyê di riya vekirina saziyên hikûmetê yên nû re pêşkêş kir, her weha şopandina rêşûnên rûbirûbûna vîrosa korona û guhdana bi kêşeyên derbider û koçberan û dabînkirina pêdviyên wan û xurtkirina ewlhî û aramiyê û di warê nûjenkirina pergala Artêşa Niştimanî ya Sûrî û bilindkirina sata karîna wî ya şer û pevçûnê.
Û di pey re Wezîrên Hikûmetê raporên xebatên xwe pêşkêş kirin, û Wezîrê Berevaniyê Lîwa, Selîm Idrîs, karê ku Wezaretê herdem şopandiye derbarê rewşa meydanî û leşkerî li gel rayedarên hêzên leşkerî û serokatiya erkanê berçav kir, wek vekirina leşkergehên rahênanê yên nû û derçûna girûpên şervanan û bal kişand ser amadekariyên Wezaretê ku kolîjeke cengê ya girêdayî Artêşa Niştimanî Sûrî veke.
Û Wezîrê Navxwe Mihyîdîn Elhermoş li ser karê wezaretê di berfirehkirina kadroyên polîs û hêzên asayîşa giştî de axivî, û got ku wezaretê rahênanin nû li dar xistin ji bo kesên tevlî rêzên polîs û asayîşa giştî bûne, û pişkinînên bizîşkî û govdeyî û çandî ji wan re hatine çêkirin.
Û Wezîrê Darayî û Aboriyê, Ebdulhekîm Elmisrî, pirojeyên ku wezaretê di dema vê dawiyê de vekirine berçav kirin, her weha amadekirina bûdceya sala 2021an û amadekirina reşnivîsa guhartina bihayên gumrîkê yên sala dahatî bo dergehên sînorî.
Û Wezîra Perwerde û Hînkirinê, Huda Elebsî, şiroveyek li ser pilana wezaretê derbarê guvaşên wê li ser bidestxistina venasînê bi bawernameyên zanîngehê yên ku ji aliyê zanîngeha Heleba Azad ve derketine pêşkêş kir, her weha li ser pêşxistina hînkirina bilind û rêbazên xwendinê di zanîngehan de axivî.
Û Elebsî diyar kir ku Wezaret li gel zanîngehên Tirkî û Ewropî û Emrîkî di avakirina hevpişkî û hevkariyê di qonaxa dahatî de berdewam e, ew jî dihêle ku asta hînkirinê li deverên rizgarkirî bilind be, û dê di danpêdana bi bawernameyan de alîkar be.
Û Wezîrê Tenduristiyê D. Meram Elşêx şiroveyek li ser çalakî û xebatên ku wezaret di hundir pilana karta tenduristî de pê rabûye pêşkêş kir, û li ser rewşa giştî di dema vîrosa korona de axivî, û ji amadebûyan re hejmara pêketî û miriyan ta vê katê û karê wezaretê di rûbirûbûna vîrosê de xuya kir, her weha xebatên xwe bo dabînkirina vaksînê ji welatiyên li deverên rizgarkirî re diyar kirin.
Û wezîrê Rêveberiya Xwecihî û Xizmetguzariyan Mihemed Seîd Silêman, piroje û çalakiyên ku wezaret pê rabûye berçav kirin, û eşkere kir ku Wezaret guh dide doz û karûbarê koçber û derbideran û dixebite daku komîteyên ku nûnertiya wan dikin ava bike.
Û Wezîr li ser xebatê Rêvebiriya Karûbarê Encûmenên Xwecihî û Rêvebiriya Berjewendiyên Aqaran axivî, û karê wezaretê di warên alektrîk û ava vexwarinê û rêçên avrêjnê û rêyan û veguhestin û pêwendiyan diyar kir.
Û Wezîr şiroveyek li ser çalakiyên wezaretê û pilanên wê derbarê karên çandinê û samanê dewêr û avdanê û karê saziya giştî ya êmê sewalan û saziya giştî ya dexl û dan pêşkêş kir.
Jêder: Ofîsa Ragihandinê ya Hevbendiya Niştimanî ya Sûrî
