Serokê Desteya Danûstandinên Sûrî, Enes Elebde, şiroveyek li pêşiya Desteya Giştî ya Hevbendiya Niştimanî pêşkêş kir, û têde li ser pêşhatên pirosesa siyasî û pêşketinên Komîteya Desteûrî ya Sûrî axivî.
Û Elebde tekezî li ser pêgiriya desteyê bi biryarên navdewletî û di pêşî de daxwiyaniya Cinêvê û biryara 2254 û xebatên bo pêkanîna veguhestina siyasî rasteqîn li gorî pêkanîna hêviyên gelê Sûrî di azadî û rûmet û demoqrasiyê de kir.
Û Elebde bal kişand ser xebatên desteyê bo vekirina hemû rêyên pirosesa siyasî di heman demê de li gel karê Komîteya Destûrî ya Sûrî, ew jî ji ber ku Komîteya Destûrî pir giran dilive, û dibe ku bandorê li ser pirosesa siyasî bi giştî bike.
Û Elebde cext kir ku ji Netewên Yekbûyî û tîma wê ya taybet bi karûbarên Sûriyê tê xwestin ku divê li bal wan pilaneke kar a nû hebe, ji bo ku rewş negihêje rêyeke girtî, wek ku bi tîma Nûnerê Navdewletî yê berê Stefan de Mistura re çêbûye.
Û Serokê Desteya Danûstandinê diyar kir ku gera dahatî ya Komîteya Destûrî pir girîng e, ji ber divê ku behsa naverokên destûrî bike.
Û Elebde tekez kir ku Desteya Danûstandinê li ser doseya girtiyan dixebite wek karekî pîşeyî, û di hemû çalakî û hevdîtinên xwe de vê doseyê dilivîne, û çextî li ser pêwîstiya serbestberdana girtiyan û diyarkirina çarenûsa binçavkiriyên kotekî kir, û dît ku ev doseya ne cihê dan û standinê ye, û divê civaka navdewletî wê li ser rijêma Esed bisepîne.
Jêder: Ofîsa Ragihandinê ya Hevbendiya Niştimanî ya Sûrî
