Hin çalakvanên Sûriyê ji Gundewarê Bakur yê Humsê tirsa xwe anîne ziman ji pêkanîna rêjîma Esed ji komkujiyan re der heqê nişteciyên mayî yên gundên Qezhel û UM El-Qeseb li Gundewarê Humsê ku piraniya nişteciyên wan Tirkman in , piştî ku şervanên Artêşa Azad jê derketin, û hejmarek mezin ji malbatan koçberî Gundewarê Bakur bûn.
Çalakvanan lêzêde kir ku hêzên rêjîma Esed dorpêç ji bo heyama çend rojan li ser herdu gundan ferz kiribû, da ku êrîşî wan gundan bike, û ji sivîlan re vala bibin, ew jî di çarçoveya rêkeftinekê li ser derketina şervanên Artêşa Azad tevî malbatên wan ji herdu Qezhel û UM El-Qeseb bo gundê El-Dara li Gundewarê Bakur yê Humsê.
Çalakvanên deverê gotin ku nişteciyên herdu gundan ku hejmara wan 8hezar e, tirsa xwe tînin ziman derbarê hin komkujiyan ku li nêzîkî wan rû dabûn, û hêj li ser zimanê xelkê ne, mîna komkujiya “El-Hesewiyê“ ya bi qasî çend mitreyan dûrî herdu gundan û El-Holê ye, û di encam de bi sedan bûne qurbanî, û jin û zarok hatin serêjêkirin û şewtandin heta ku bûne wek komerê.
Cîgirê Serokê Hevbendiya Niştîmaniya Hêzên Şoreş û Dijberiya Sûriyê “Mufeq Nêrebiyê” tişta li herdu gundan pêk tê şermezar kir, û ev kiryara rêjîma Esed û şebîheyên wê derheqê nişteciyên her du gundên Tirkmanan yên sivîl Qezhel û Um El-Qeseb protesto kir.
Nêrebiyê da zanîn ku tişta ku rêjîma Esed pêk tîne, ew bi xwe tekezî li ser bêbextî û nebûna baweriyê ye, û lêzê de kir ku ew di vê kiryarê de wateyeke kûr dibîne, ku girêdayî tişta ku li Tirkiyê heftiya borî rû da bû, ku hewildana xedra bi rewatî û demokrasiyê bû.
Nêrebiyê daxwaz ji tevahiya Cîhanê kir ji bo parastina nişteciyên Tirkmanên Sûriyê li her du gundên ku dikevin sînorê taxa El-We’ir ya dorpêçkirî li Humsê, û tekez kir ku her du gund di jêr lihevhatinekê de bûn, ku aştiya wan were parastin, û herdu gundên navborî bimînin cihên aram ji gelê Sûriyê yê hewcedar re.
Herwiha ji aliyê xwe ve, Encumena Xwecihî ya Şoreşger li bajarokê El-Dar El-Kebîra bangek bilez da ji bo dabînkirina pêdawîstiyên koçberan li herdu gundên Qezhel û Um El-Qeseb, û diyar kir ku derdora 4 hezar kes gihiştine El-Dar El-Kebîra.
Herwiha bang li hemû dezgehên mirovî kir, wek Heyva Sor û Xaça Sor ya Navdewletî û Desteyên Civaka Sivîl û Komîteyên Xêrxwaziyê yên ku li deverê kar dikin ku bi awayekî bilez tevbigerin da ku pêdiviyên koçberan dabîn bikin, û ji zehmetkêşiya wan sivik bikin, û destê alîkariyê ji bo wan dirêj bikin.
Jêder: Hevbendî
