Hevrêzkarê Ofîsa Karûbarê Penaberan ya Hevbendiya Niştimanî ya Sûrî Selîm Idrîs, tekez kir ku milîsên Hizbulaah a terorist pîstirîn tawan ne tenê dermafê xelkê gundewarên devera Elqisêr, lê dermafê tevaya sûriyan pêk anîne û hîn jî pêk tînin. Ev tekezkirin wek bersivê ye li ser daxwiyaniyên Emîndarê Giştî yê wan milîsan Hesen Nesrullah, yê ku di vîdyoekî tomarkirî de mukur hatiye ku milîsên wî berê û niha jî gund û bajarok û bexçeyên welatiyên Sûrî li devera Elqisêr ya bi ser parêzgeha Humsê ve û deverên Sûrî yên dîtir dagîr dikin.
Û Idrîs di daxwiyaniyin taybet de got ku penaberên Sûrî li Libnanê bendewar in ku vegerin welatê xwe, ger mercên babetane dabîn bibin, ku herî kêm divê ew neyên peyketin ji aliyê şebîheyan û amûrên ewlekariyê û artêşa rijêma tawankar û rêbendên Hizbullah ve, yên li gundewarê Elqisêr û Elqelemon û gelek deverên Sûrî yên dîtir belav bûne.
Û Idrîs got ku Emîndarê Giştî yê milîsên Hizbullah di axaftina xwe de, tiştê ku partiya wî bi hevkariya li gel hêzên rijêma Esed pê rabûye di riya helmetên talankirin û şêlandin û diziyê û wêrankirina malan û birrîna daran û xetmandina bîran, piştî diziya tevaya amûr û mekîneyên çandinê, û tiştek ji pêdawîstiyên jiyanê li wan deveran nehiştine, paşgeh kirine.
Û bal kişand ser ku divê tawanên milîsên hizbullah li Sûriyê bê sizadan nemînin, û got ku penaberên Sûrî li Libnanê û Xelkê Sûrî ji civaka navdewletî û saziyên mafên mirovan û Emîndarê Giştî yê Netewên Yekbûyî û saziya Human Rights Watch daxwaza şermezarkirina tawanên Hizbullah li Sûriyê dikin.
Û Hevrêzkarê Ofîsa Karûbarê Penaberan ya Hevbendiya Niştimanî ya Sûrî, daxwaza dadgehkirina Emîndarê Giştî yê Hizbhllah Hesen Nesrullah û serkirdeyên meydanî û endamên wê li ser tawanên cengê yên ku milîsên wan li Sûriyê pêk anîne, kir.
Û daxwaz kir ku Hizbullah û rijêma terorîst û diktator bên neçarkirin li ser dana qereboyê bo malbatan hember malûmilkên wan ên wêran bûne û hatine talankirin ku nirxê wan dighêje bisedhezarên dolaran, her weha daxwaza derketina bêmerc a Hizbullah ji Sûriyê kir.Jêder: Ofîsa Ragihandinê ya Hevbendiya Niştimanî ya Sûrî