Hevrêzkarê Ofîsa Karûbarên Penaberan ya Hevbendiya Niştimanî ya Sûrî Selîm Îdrîs, xweşhaliya xwe bi bangewaziya Rêxistina Lêborînê ya Navdewletî anî ziman, ya ku têde daxwaz ji desthilatên Libnanî kiriye ku dest ji dersînorkirina bi darê zorê ya penaberên Sûrî ji Libnanê bo Sûriyê berde, di dema tê texmînkirin ku kesên dersînorkirî rastî girtina yekser û îşkencekirinê di girtîgehên rijêmê de werin.
Û Idrîs tekez kir ku vegerandina bi darê zorê, berevajî naveroka yasaya navdewletî ye, ya rê nade dewletan ku xelkê vegerînin cihên ku lê rastî metirsiya girtin, îşkencekirin yan jî kuştinê bên, û amaje bi wê yekê kir ku di dema penaberin Sûrî gihiştine deverên di bin kontrola rijêmê de rastî girtinê hatine.
Û Rêxistina Lêborînê ya Navdewletî, di bangekê de roja sêşemê, got ku divê desthilatên Libnanî dersînorkirina penaberên Sûrî bo Sûrîyê bi darê zorê rawestînin, ji ber metirsî heye ku piştî vegerê rastî îşkencekirin û çewsandinê li ser destê rijêma Esed werin.
Û Cîgira Rêvebira Herêmî ya Amnesty International Aya Meczoub, got ku cihê dilnearamiyê ye ku em dibînin artêş biryara çarenvîsa penaberan dide, bêyî ku rêzê li rêşûnên yasayî bigre, an rê bide ewên rastî dersînorkirinê tên ku dozên redkirina dersînorkirina xwe li dadgehan vekin , an daxwaza parastinê bikin, û çênabe ku çi penaber vegere cihê ku metirsî lê li ser jiyana wî heye.
Û Meczûb got ku “Li gorî prensîba qedexekirina vegerandina kotekî, li gor yasaya mirovî ya navneteweyî ya naskirî, Libnan neçar e çi kesî venegerîne dewleta ku têde metirsiya îşkencekirin û çewsandinê lê heye, û li şûna jiyana di tiresê de piştî reva ji Sûriyê ji ber tawankariyan, divê penaberên li Libnanê dijîn ji serdegirtinên kotekî û operasyonên neyasayî yên dersînorkirinê bên parastin.”
Û Rêxistina Lêborînê ya Navdewletî, di raportekê ku di Îlona 2021ê de hatibû weşandin, binpêkirinên hovane yên efserên îstixbarata rijêma Esed li dijî 66 penaberên Sûrî yên ku 13 ji wan zarok bûn, belge kirine, û piraniya wan zarokan bi zorê ji Libnanê hatinbûn vegerandin.
Jêder: Ofîsa Ragihandinê ya Hevbendiya Niştimanî ya Sûrî
