Hevrêzkarê Ofîsa Karûbarên Penaberan ya Hevbendiya Niştimanî ya Sûrî, Selîm Idrîs, bal kişand ser ku hemahengiya di navbera Wezîrê Koçberan di Hikûmeta Libnanê de Îsam Şeref Eldîn û rijêma Esed de, ne cihê matmayînê ye, ji ber ku Wezîrê Libnanî berî bi demekê bi awayekî tund dijî piştgiriya darayî ya ku Yekîtiya Ewropa ji penaberên Sûrî yên li ser xaka Libnanê re pêşkêş kiriye derket.
Û Idrîs di daxwiyaniyên taybet de îro, got: Xuyaye Wezîrê ku li gel rijêma Esed li ser dersînorkirina penaberan rêkeftî ye, bi bihaneya ku rêyên jiyana birûmet niha li deverên di bin kontirola rijêmê de peyda bûne, ne rojameyan dixwîne û ne jî alavên ragihandinê yên derbarê rewşa aborî û ewlehî ya têkçûyî li Sûriyê dişopîne, ji ber ku eger rê heba dê kesên li welêt mane jî ji ber ketwarê tirajîdî ji welêt derketbana.
Û Idrîs tekez kir ku biryara Yekîtiya Ewropayê ya derbarê mana piştgiriyê ji penaberên Sûrî yên li ser xaka Libnanê re, tiştek ji alîgiriya sûriyan têde tune bû, lêbelê Dezgeha Navnetewî biryara xwe li gorî ketwar û raporên rasteqîn yên tekez dikin ku Sûriya ji vegera penaberan re ne ewle ye stand.
Û Idrîs berdewam kir û got ku çi Sûrî hebe hêvî dike ku vegere ser mal û milkên xwe, û bêguman eger rewşa ewlehî baş bûya penaber di standina biryara vegera bi dilê xwe dudilî nedibûn, lê çarenivîsa nediyar ya ku di zîndanên ewlekariyê de li benda wan e, û ew e ya ku nahêle di dema niha de bi vegerê biramin.
Û ev yek piştî daxwiyaniyên Wezîrê Koçberan Îsam Şeref Eldîn bo rojnameya Elitîhad ya Îmaratî duh roja duşemê hat, ya ku têde gotiye ku pevbawerî di nav me aliyê Sûrî de heye, lewra emp pabend in bi xalên ku sala bûrî derbarê vegerandina ewle ya penaberan me li ser li hev kiriye, ya ku têde berpirsên Sûrî amadebûna xwe nîşan dan ku ew dê pêşwaziya 180 hezar penaberî bikin, û navendên vehewandinê bo pêşwazîkirina wan amade ne, û dê hêsankarî û guhdana tenduristî û hînkirinê ji wan re pêşkêş bikin, anku hemû rêyên jiyana birûmet dabînkirî ne.
Jêder: Ofîsa Ragihandinê ya Hevbendiya Niştimanî ya Sûrî
