Hevrêzkarê Desteya Karûbarên Penaberan ya Hevbendiya Niştimanî ya Sûrî D. Selîm Idrîs, astengiyên ku tên pêşiya bidehan ji penaxwazên Sûrî li Cezayîrê di riya dersînorkirina wan berve deverên biyabanî yên dûr şermezar kirin.
Û Idrîs got ku heye jiyana wan penaxwazên digihîjin Cezayirê dema dixwazin biçin parzemîna Ewropayê piştî ji Cezayirê tên dersînorkirin têkeve metirsiyê de, ji bilî talankirin û desteserkirina tiştên wan ên kesane.
Û Idrîs got ku rewşa dijwar ew penaxwaz neçar kirin ku welatê xwe bihêlin û xwe bigihînin Cezayirê, piştî ku Beşar Esed di salên bûrî de aboriya welêt wêran kir, û xelk kuştin û koçber kirin û malên wan wêran kirin, û amaje bi wê yekê kir ku eger rewş li welêt aram bûya ew neçar nedibûn ku çol û biyabanan derbas bikin daku xwe bigihînin Ewropayê.
Û raporên saziyên mafên mirovan diyar kirin ku desthilatên Cezayîrê di heyvên mijdar û cotmeha 2022an de, bidehan penaxwazên Sûrî dersînorî devereke biyabanî ya li ser sînorê Nîjerê kirin.
Û raporên saziyên mafên mirovan anîn ziman ku polîsên Cezayirê binpêkirin dermafê penaxwazan pêk anîn, û di dema opersayona dersînorkirinê de bi tundî bi wan re danûstandin kirin, û wan penaxwazan nikarîbûn nerazîbûna xwe ji wê dersînorkirinê diyar bikin.
Hêjayî gotinê ye ku termên 10 penaxwazan di 9ê mijdara 2022an de, ji wan kesên ku di sê û çarê heyva cotmeha bûrî de li peravên Cezayirê di encama du qezayên binavbûna keştiyan de fetisî bûn ji Cezayirê gihiştibûn Sûriyê, û termên 8an ji wan gihiştin bajarê Kobanê, yek jî gihişte Minbicê û termê yekî jî gihişte Laziqiyê.
Jêder: Ofîsa Ragihandinê ya Hevbendiya Niştimanî ya Sûrî