Endamê Desteya Siyasî Rêvebirê Ofîsa Karûbarê Penaberan di Hevbendiya Niştimanî ya Sûrî de D.Selîm Idrîs, tekez kir ku tiştê ku tê serê penaberên Sûrî li Yonanistanê dijî rewişt û yasayên navdewletî ye, û daxwaza dadpirsînên serbixwe kir, daku nasnameya berpirsên di ber hewldanên noqkirina keştiyên penaberan de diyar bikin.
Û Idrîs amaje bi wê yekê kir ku desthilatên Yonanistanê yasayin derxistin da ji erkên xwe yên navdewletî derbarê penaxwazan bireve, yên ku di rêkeftina Cinêvê ya sala 1951ê derbarê penaberan de hatiye, û têde hatiye ku çênabe kesên mafê penaberiyê xwestine bên girtin an koçberkirin.
Û diyar kir ku penaberên Sûrî yên li ser sînorên Yonanistanê rastî binpêkirinên dubare tên, ji lêdanên tund de dest pê bike ta zindankirin, dizîya pere û telefonên wan, hiştina wan li derve, an binavkirina qeyikên wan, û hiştina wan li giravên ku kes li wan tune ye heta ji birçîna an ji têhna bimirin.
Û Idrîs bal kişand ser ku kampên penaberan li Yonanistanê yên ku bi dehhezaran penaber lê hene, rastî kêmasiyên giran di xwarin, guhdana tenduristî û kêmbûna asta xizmetguzariyê tên, ev jî nîşan e ku ew wek girtîgeh an navendên girtinê ne.
Û tekez kir ku ev yek binpêkirina mafên penaberan e, û ji Netewên Yekbûyî, rêxistinên navdewletî û Yekîtiya Ewropayê xwest ku berpirsyariyên xwe derbarê koçberan hilgirin.
Jêder: Ofîsa Ragihandinê ya Hevbendiya Niştimanî ya Sûrî
