Şandek ji Hevbendiya Niştimanî bi Serokatiya Salim Elmislit Serokê Hevbendiya Niştimanî, li gel Balyozê Tirkiyê li Emrîka Hesen Murad Morgan li baregeha Balyozxaneya Tirkiyê li Washington civiya, û pêre behsa tevaya hûrgiliyên dosya Sûriyê ya têklidarî rewşa siyasî û meydanî û mirovahî kir.
Û şande ji Serokê Hevbendiya Niştimanî Salim Elmislit û Cîgirên Serok Ebdilehed Istêfo, Ebdilhekîm Beşar, Ruba Hebûş û Sekretêrê Desteya Siyasî Ebdilmejîd Berekat û Dîma Mûsa Endama Desteya Giştî pêk hat.
Û şandê Hevbendiyê tekezî li ser helwestên neguhêr di karê ji bo pêkanîna hêviyên gelê Sûriyê di azadî û rûmet û demoqrasiyê de kir.
Û şande cextî li ser giringiya kartêkerkirina pirosesa siyasî û piştgiriya danûstandina ji bo pêkanîna çareya siyasî li ser binyada cîbicîkirina biryara 2254 bi awayê tam û gihiştina veguhestina siyasî yaku daxwazên gelê Sûriyê pêk tîne kir.
Û Şandê Hevbendiyê tekezî li ser rola giring ya Tirkiyê û rawestandina wê li kêlek gelê Sûriyê di hemû qonaxên wê de kir.
Ji aliyê xwe ve Balyozê Tirkiyê helwesta welatê xwe ya piştgir ji daxwazên gelê Sûriyê re û pêkanîna hêviyên wî yên mafdar di veguhestina siyasî de li gorî biryara 2254 piştrast kir.
Jêder: Ofîsa Ragihandinê ya Hevbendiya Niştimanî ya Sûrî
