Berpisê Hevbendiya Niştimanî ya hêzên şoreş û rikberiya Sûriyê dît ku Îran hewl dide bo guhertina şêweyê milîsên xwe yên mezhebperist ji bo wan bike yasayî li Sûriyê, li ser heman awayê feyleqê pêncê yê ji aliyê Rûsiya bi nêzîkî salekê heye hatiye damezrandin.
Endamê desteya siyasî yê Hevbendiya Niştimanî Yasir Ferhan, îro di daxuyaniyekê de got ku Îran daxwaza misogerkirina hezmona xwe di Sûriyê de dike, û got ku nûçe tên li ser dirustkirina “Heşdeke şe’ibî li Sûriyê” ku bibe perde ji çeteyên pasdar û milîsên mezhebperist re li Sûriyê.
Ferhan tekez kir ku armanca Îranê hêjî bo wê yekê ye ku Şamê bi rêka Bexda bi Tehranê ve girê bide û bigehêje derya sipî, û balkişand ku ji ber redkirina xelkê navçeyê ji milîsên PYDê re, ku ev yek dibe fakter ji bo peydabûna milîsên din, û cext kir li ser giringiya redkirina sercem hêzên leşkerî yên dûr ji pirojeyê niştimanî yê hevdeng.
Û hin çalakvanan ji bajarê Qamişlo diyar kirin ku çeteyên bergiriya niştimanî xwe libin dirûşmek nû bi navê “Heşda Şe’ibî Ya Sûrî” ava dikin.
Û ligor çalakvanan ku Heşd ji girûpên lagirên Rijêmê dirust dibe, li ser heman şêweyê “Heşda şe’ibî li Îraqê”, ya bi biryara Îranê hatibû dirustkirin, û çalakvanan bal kişandin ku ” Elî Hewas Elxilêf” wek fermandarê Hişd hatiye destnîşankirin, û ew wek lagirê Îranê li tevaya navçeyê naskirî ye.
Herwiha navendên meşq û rahênana bikaranîna çekan ji aliyê milîsên mezhebperist yên nû hatine avakirin, û ji aliyê fermandarê wê “Elxilêf” lêborînek bo serbazên cudabûyî ji hêzên Rijêmê hatiye dan, bi mercê tevlîbûna wan li nav xulên leşkerî yên Heşd û şer li kêlek çekdarên wê bikin.
Jêder: Ofîsa Raginhandinê ya Hevbendiya Niştimanî
