Balafirên Îsraîla dagirker nîvê şeva yekşema borî çend caran êrişî navendên leşkerî li parêzgehên Tertûs û Laziqiyê kirin û di encamê de teqînên tund û mezin çêbûn.
Çalakgeran li ser platformên medyaya civakî dîmenên şewatê û stûnên dûmanê yên li asîmanê gundewarê Tartousê bilind dibin parve kirin.
Li gorî agahiyên ji çavkaniyên xwecihî hatine bidestxistin, êrîş bi taybetî li ser depoyên çekan ên artêşa Sûeiyê li parêzgeha Tertûsê bûn.
Ev êrîş weke berdewamiya zincîreke dirêj ji êrîşên Îsraîla Dagirker e li ser xaka Sûriyê, ji dema rûxana rêjîma Esed ve, di demekê de ku artêşa Îsraîla dagirker bombebarana xwe li ser cihên leşkerî yên artêşa Sûriyê li çend parêzgehên sûrî, di nav de Şam û gundewarê wê Deraa, Suweyda, Hums, Hama, Tartûs û Laziqiyê tund kirine.
Li gorî rojnameyên Îsraîla Dagirker, ji destpêka şer û vir ve, hêzên asîmanî yên dagirker nêzî 83,000 bombeyan avêtine eniyên şer ên curbecur, di nav wan de zêdeyî 1800 bombeyên giran di nava hefteyekê de avêtin ser deverên artêşa Sûriyê û derdora 80% ji sîstema parastina asîmanî ya Sûriyê têk birin.
Serokê Hevbendiya Niştimanî ya Sûrî Hadî El-Behra hemû êrîşên ku ji aliyê Îsraîla Dagirker ve li dijî Sûriyê û jêrxana dewletê pêk tên şermezar kirin, bi taybet ji ber van rewşên krîtîk ên ku gelê Sûriyê têre derbas dibe.
El-Behra bang li civaka navdewletî kir ku tedbîrên guncaw bigire ji bo vegerandina pabendbûna bi hemû rêkeftinên berê yên di navbera Sûriyê û dewleta dagîrker de, di nav wan de rêkeftinên agirbestê yan jî rêkeftinên Xeta Rawestana Şer yên di sala 1974 û 1949an de hatine îmzekirin.
Jêder: Ofîsa Ragihandinê ya Hevbendiya Niştimanî ya Sûrî
