Çalakvanên xwecihî ragihandin ku sivîlekî jiyana xwe ji dest da û hin jî birîndar bûn, di topbarana hêzên rijêma Esed û Rusiya de, ya ku îro serê sibehê bazara bajarokê Elibzîmo li gundewarê rojavayê Helebê armanc kiriye, û gotin ku ji ber topbaranê agir bi wê deverê ket.
Û Berevaniya Sivîl a Sûrî tekez kir ku jinek û mêrek birîndar bûn, ji encama topbarana hêzên rijêmê û Rusiya ya ku bazar û taxên niştecihbûnê yên bajarê Etarib li rojavayê Helebê, duh êvarî, roja pêncşemê di katijmêra fitara roja yekemîn a heyva Remezanê de armanc kirine
Û Topxaneyên Hêzên rijêmê û Rusiya piştî nîvê şevê, bajarê Etarib û gundê Elcîneh li gundewarê Helebê yê rojava armanc kirin, û yek ji topan li nêzî konên kesên ku ji erdhejê ziyan dîtine ket.
Û Hêzên Rijêmê û Rusiya duh roja pêncşemê êvarî, bi topan bajarokê Etarib li rojavayê Helebê û derdora bajarê Dana li bakurê Idlibê armanc kirin, lê ti agahî derbarê ziyanên giyanî li nav sivîlan nehatine wergirtin.
Û endamê Hevbendiya Niştimanî ya Sûrî, Eymen Elasimî, tawanên rojane yên ku rijêma Esed û hevalbenda wê yê Rusî dermafê sivîlên bêçek li deverên rizgarkirî pêk tînin, tîne bîra aliyên ku berve rijêmê dibezin bo normalkirina têkliya.
Û Elasimî tekez kir ku rijêma Esed awayekî leşkerî yê xwîndar li dijî gelê Sûriyê ji 12 salan bi kar tîne, lewra ji aliyên garantor tê xwestin ku nehêlin rêkeftina kêmkirina gurkirinê bibe sîwanek ji bo berdewamiya dijminkariyên rijêma zordar li ser deverên rizgarkirî.
Û Elasimî cext kir ku rijêma Esed xwe dispêre rêbaza leşkerî û rê li pêşiya çareseriya siyasî ya aştiyane ya ku ewlehî û aramiyê li Sûriya û deverê vedigerîne digire, û bal kişand ser ku hin alî hene vê mijarê ji bîr dikin, ku di encamê de wê ev gav bibin gef li ser welwtên wan piştî ku tiştê rijêma Esed dixwaze bidinê.
Jêder: Ofîsa Ragihandinê ya Hevbendiya Niştimanî ya Sûrî
