Şarezayên ragihandinê piştî civîna xwe ya destnîşankirina hêlên pan yên dikarin ragihandina niştimanî çaktir bikin, temînî kirin ji bo “damezrandina desteyeka serbixwe ji ragihandina Niştimanî re, tevlî demezrandina kenaleka telviziyonê û kenaleka radiyoyê û derxistina rojnameyeka demdemî bi armanca pêgihandinan bi welatiyên sûrî û yên Erebî û bi raya giştiya cîhanî re”. herwiha pisporên kombûyî hin pilan û rêşûnên bilez danîn bo çareserkirina rewşa ragihandina sûrî bi riya destnîşankirina girft û kêşeyên rastî gotara ragihandina sûrî dibin, û pêşnyarkirina çareseriyên karan bo rê li peydabûn û hebûna kêşeyan bête girtin. Xalid salih serokê nivîsîngeha ragihandina hevbendiya niştimanî, di dawiya karê wê kargêriyê ya 3 rojan dirêj kir tekezî kir li ser pêwîstiya” ku gotin û pêşniyar û amojgarî ji ser pelê bilez bo warê kar û kirinê bên veguhestin, ji ber ku ketwara welatiyên sûrî nabe bête piştguhxistin”. Û duhî Fayiz Sara endamê hevbendiya niştimanî pesnê civîna pisporên midiyakar ya ku îro bidawî hat dabû, û ev pêngav wek” pêngaveka pêdiviya vê qonaxê anî ziman, ya ku pêwîst bû ku ji demeke dirêj de bihata kirin, lê her çawa be tu dereng bigihêje çêtir e tu ji binî negihêje”. û tekez kir ku” merem ji vî pirojeyî ewe ku dubare ragihandina şoreşê û Hevbendiyê bête rêvebirin di bin çavdêriya akadimî û pêşeyî de. Ku tenê rola Hevbendiyê di vî pirojeyî de wê bibe pêşkêşkirina şiyanên cîbicîkirinê, em îro ji şareza û pisporên ragihandinê dixwazin ku em hevparên wan bin, ku em beşek ji wan bin û ew nebeşek ji me bin, herwiha ku ev hevparî li jêr çavdêriya hin ji pispor û şarezayên ragihandinê be, bo destnîşankirina berê ragihandina şoreşê bi riya bizavên pîlankirî û pîşeyî”. Têzanîn ku duhî û dema amadebûna Hadî Elbehra serokê Hevbendiyê di wirkşopê de tekezî kir ku” îro giringiya şerê ragihandinê nekêmtir e ji şerê serbazî yê artêşa azad li dijî rêjîma Esed dike, herwisa cemawerê ku me divê ragihandina em îro dixwazin çêkin bigihêje wan, ne şoreşger tenê ne, lê belê em dixwazin bighêje alîgirên Esed tevlî ku hindik in jî , ji ber ku Sûriya netenê ji şoreşgeran re ye, belê ya tevaya Sûriyan e bê cudahiya netewî û ayînî an jî ramanî”. û pisporê ragihandinê Hisamedîn Mihemed ev pêngav” bi pêngaveke durist dazanîn berbû destnîşankirina dîmenên karê ragihandina sûrî, ya ku Beşar Esed bi mebest piştguh xistiye, bo bikaranîna wê ji berjewendiyên xwe yên siyasî re, û îro em li vir amade ne û bi yekdestî, bo çaktirkirina ezmûna ragihanadina bêhempa ya çalakvanên şoreşê çêkirine, û hêjaye wane li ser bêne çêkirin ji bo nirxandina wê pêşxistina wê da bigihêje astê ku tê xwestin, ku kesek nikare vê bizava şoreşgerî ya mezin mandel bike, wek ku kesek nikare giringiya çakirina şaşiyên wê jî madel bike, îro metirsiya ragihandinê ne kêmtir e ji metirsiya çekan, û peydanekirina kenalên ragihandinê yên pirofêşyonal û serbixwe dibe ku ziyanan bigehîne şoreşê û bibe egerê peydabûna arîşeyên komelayetî, ku pêşkêşkirina pend û şîretan bo çêkirina gotareka ragihandinê ya azad û dûr ji bendên qeydên siyasî yên ji bal rêjîma Esed ve hatine sepandin, pêwîstiyek bilez û giring e bo amadekirina pêngaveka rast û dirust ber bi bîrewerkirina raya giştî ya Sûrî û Erebî û Cîhanî û bilezkirina rêveçûna şoreşa Sûrî berû azadî û dadperweriyê de “.
Jêder: Hevbendî
