Endamê Desteya Siyasî ya Hevbendiya Niştimanî ya Hêzên Şoreşê û Rikberiya Sûriyê Mîşêl Kîlo, diyar kir ko gerek Cîhan Rûsya siza bike û sînorekî ji zêdegaviyên wê re deyne, çimkî ew Cîhanê ber bi seqayên mîna yên cenga Cîhanî ya duyem ve dibe, wek ko Hitler ewê hingê kir, û di encamê wê xerabkirineke navdewletî hebe.
Îro li kêleka destpêkirina xula 30emîn ya Civînên Desteya Giştî ya Hevbendiya Niştimanî, ya ku wê behsaTawankariyên Cengê yên ko Rêjîm û Hevalbendên wê dikin bike, û her weha wê hilbijartinên nû yên desteya Serokaiyê û ya siyasî têde pêk werin. Kêlo got ku biryara Rûsya ya zêdekirina hêzên xwe li Sûriyê çar wate jê re hene:
yekem ko Rûsya ew e dewleta serpereştiya şer dike, û ew bi xwe şer dike, û biryar daye pişta miletê Sûrî bişikîne û cengê ji bo bercewendiya Rêjîma Esedê tawankar bidawî bike.
Wateya duyem jî pêngaveke himberiyê ye li beraberî cîhanê û dezgehên navdewletî û rewaya navdewletî, yên ko li çareseriyeke siyasî ji evê cengê re digerin. Lê belê Rûsya bi zêdekirina hêzên xwe li Sûriyê agir dide bin, çimkî himberên wan hêzan li ser xakê nîn in, ne ji aliyê core û cebilxaneyan û ne amancan. Û destnîşan kir ko ew hêza asmanî karê wê bombebarana sivîlan û dezgehên parastina wan e.
Destnîşan kir ko wateya sêyem berberîtiya bi Emerîka û Cîhana Erebî re ye. Piştî ko hin berpirsiyaran dan xuyakirin ko ewê alîkariyê ji Şoreşê re pêşkêş bikin û mûşekên li dijî firokan ji Şoreşê re pêşkêş bikin, ewê hişt ko Rûsya ji aliyê xwe ve pêşinde pêngava zêdekirina hêzên xwe û biryara nevekêşanê bide.
Kîlo tekez kir ku wateya çarem ew e ko Rûsya bêyî çi hestê bi berpirsiyariyê ne ya navdewletî û ne ya mirovî û ne ya yasayî û ne wekû dewleteke mezin lê belê wekû Mafyayeke mezin karê xwe dike.
Û got amanckirina sivîlan li jêr benda tawankariyên cengê û yên li dijî mirovantiyê tê.
Jêder: Hevbendî
