Nûra Elemîr Cîgira Serokê Hevbendiya Niştimanî doz li Civaka Navdewletî kir ji bo “Rawestandina koçberkirina kotekî ya ko Rêjîma Esed di dermafê Sivîlan de li Helebê û Gundewarên wê, di riya kuştarên ko Hêzên wî dikin pêk tîne, da fişarê li xelkê bike bi armanca ji daxwazên ku ji bo pêkanîna wan derketine vegerin.”
Elemîr got: “Koçberkirina Xelkê tawankariyeke cengê ye û bêdengiya Navdewletî li ser kirdeyên Esed ji bo wan Dewletên ko yasa li wan serdest e û mafê mirovan wek rêbazekê dişopînin nayê pejirandin ,û bêdengî li ser evan kuştarên ko di dermafê Sûriyan de dibin ji tawakariyê bi xwe ne kêmtir e.”
Axaftina Elemîr hat piştî pêlek koçberiyê ji Herêma Gundewarê Helebê ya ko Rêjîmê Hêzên xwe li kinarên wê bicih kirine bi amanca mukimkirina dorpêçkirina wê, û piştî kuştara mezin ya ko hêzên Rêjîmê li Gundê Til Qerrah kirin ku di encamê de 19 kes ji xelkên Herêmê bi êrîşên asmanî hatin kuştin, ji bo alîkariya têwerdana xwe ya leşkerî di Herêmên amanckirî de bike .”
Herweha berê jî Mihemed Qeddah Cîgirê Serokê Hevbendiya Niştimanî rexneya siyaseta Hevpeymana Navdewletî ya ji bo têkbirina tiroristiyê li Sûriyê û piştnegirtina wê ji Artêşa Azad re di beraberiya Hêzên Esed de yên ko dixwazin Helebê dorpêç bikin kiribû, û siyaseta Hevpeymanê weha anîbû ziman: ”Ew nebikêrhatî û bijartinî ye çi ji aliyê kesên ko piştgiya wan dikin yan ji aliyê lêdana ko li Daiş dide û Esed piştguh dike.
Ev siyaseta bijartinî ya ko piştgiriya hin alayan û bajaran dike û piştguhkirina piştgiriya Artêşa Azad dike, beraber piştgiriya ko bê sînor ji dewletên piştgiriya Daişê dikin, dibe gelek Alayên leşkerî bigihên Daişê û -heta bi yên siyaseta wan nerm jî- wê bighên Daişê, ne ko baweriyê bi piransîbên wan tînin lê wek gerantiyeke leşkerî ku hebûna xwe pê biparêzin di dema ku civaka nêvdewletî ti piştgiriyl ji wan re nake.
Rizgariya Sûriyê bi par-parkirinê nabe û bê piştgiriya Artêşa Azad wek serkêşa Şoreşê jî nabe, artêşa azad ya ko ji destpêka Şoreşê ve erkê parastina hemû pêkhateyên Gelê Sûriyê û hemû Bajarêm Sûriyê bê cudahî daye ser milê xwe.”
Herweha Salim Elmislit berdevkê fermî yê Hevbendiya Niştimanî doz li Hêzên Hevpeymana Navnetewî kir da” bi pêngavine lezgîn rabin ji bo rizgarkirina Helebê ji dorpêçê bikin da nekeve destê hêzên Esed, û çi kêmanî ji aliyê Hêzên Hevpeyman ji bo parastina sivîlan û têkbirina tiroristiyê bi hemû cûreyên wê, tê wateya ko rastgoya Hevpeymanê li bal miletê Sûriyê dê têk biçe”
Jêder: Hevbendî
