Kombenda Nivîskarên Sûrî, berfirehbûna çalakiyên fermî yên Îranê di qada çandî ya Sûriyê de, ya ji aliyê saziyên fermî yên rijêma Esed ve tê sponserkirin, şermezar kir.
Û Kombendê di daxwiyaniyeke xwe ya duh roja Sêşemê derketiye de, got: “Kombenda Nivîskarên Sûrî bi dilnearamî û nerazîbûneke mezin, li berfirehbûna çalakiyên fermî yên Îranê di qada çandî ya Sûriyê de, ya bi sponseriya rijêmê, û radestkirina tam ya saziyên çandî yên rijêmê, wek Wezareta Rewşenbîrî û Yekîtiya Nivîskarên Ereb û yên din, dinêre”.
Û daxwiyaniyê anî ziman ku “Texmîn hebû ku çalakiyên çandî heta radeyeke mezin kêm bibin, Ji ber berdewamiya wêrankirina welêt ji aliyê rijêma Esed ve, û firotina perçeyên welat ji hevalbend û piştgirên xwe re”, û bal kişand ser ku “Wijdanê Sûriyan yê ku nayê qirkirin, tevgera karê çandî di qebareya xwe ya herî kêm de berdewam hişt.”
Û daxwiyaniyê bal kişand ser wê yekê ku serdana vê dawiyê ya Wezîra Çandê ya rijêma Esed bo Îranê “Guhertineke mezin bû di warê radestkirina dîmenê Sûriyê bo Îraniyan di rêya imzakirina peymanan bi saziyên wan re, ew saziyên ku bi tepeserkirina rewşenbîran û girtina penceran li ber gelên xwe navdar in.”
Û Kombenda Nivîskarên Sûrî, tekez kir ku “Ev siyaseta ku rijêm bi kar tîne, li gorî berjewendî û tektîkên wê ye, daku hebûna xwe biparêze, û ev yek metirsiyeke mezin ji Sûriyê û yekîtiya gelê wê re di rêyên mezhebî re çêdike”.
Jêder: Ofîsa Ragihandinê ya Hevbendiya Niştimanî ya Sûrî
