Komîteya Cezîrê û Ferat ya Hevbendiya Niştimanî ya Sûrî, raporek li ser rewşa hînkirinê li deverên di bin kontrola milîsên PYDe yên terorist de pêşkêş kir, û tekez kir ku ev milîs hewil didin îdyolojiya xwe li ser xelkê deverê bisepînin, û fitneyê di nav pêkhatên deverê de biafrînin.
Û Hevrêzkarê Komîteyê Ebdilbasit Ebdilletîf, bal kişand ser ku milîsên PYDe yên terorîst bi destpêka sala xwendinê ya îsal re, tevaya dibistan û peymangehên taybet ji bilî dibistanên girêdayî kelîseyê girtin, û xelk neçar kirin ku biçin dibistanên wê yên ku rêbazên xwendinê yên taybet bi xwe têde hîn dikin, rêbazên ku kes danpêdanê bi wan nake, û pirosesa wan a perwerdeyê di her warî de qels e.
Û Ebdulletîf diyar kir ku hêmanên perwerdeyê yên sereke di dibistanên van milîsan de tune ne, ji ber ku mamosteyên wan bi lez û bez ji enstîtuyên taybet derçûne, û karîna wan a rasteqîn ji bo hînkirina madeyên zanistî tune ye, û rêbazên wan li ser îdyolojiya rêxistina PKKe ya terorîst ava bûne, û waneya zimanê biyanî ji nav rêbaza xwendinê hilanîne.
Û Ebdulletîf amaje bi wê yekê kir ku ev bû sedema ku hin malbat û saziyên civaka sivîl roja Çarşemê 28ê Îlona bûrî li bajarê Qamişlo li pêşiya avahiya Netewên Yekbûyî mangirtinekê lidar bixin, lê ew milîsa bi tundî rûbirûyê wê çalakiyê bûn, û nehiştin ku rojnamevan rûmal bikin, û hejmarek ji kesên di wê mangirtinê de beşdar bûn binçav kirin.
Jêder: Ofîsa Ragihandinê ya Hevbendiya Niştimanî ya Sûrî
