Komîteya Cezîrê û Ferat ya Hevbendiya Niştimanî ya Sûrî, diyar kir ku rijêma Esed kargehên berhemdana keresteyên hişbir li devera rojhilat ava kirine, û ji bo wan keresteyan bi qaçaxî derxe derve, palê dide ser milîsên Îranê yên mezhebî yên ku sînorê Sûriyê û Îraqê kirine bin kontirola xwe de.
Ev agahî di rapora ku Hevrêzkarê Komîteya Cezîrê û Ferat Ebdilbasit Ebdilletîf di civînên Desteya Siyasî de pêşkêş kiriye de hat, têde diyar kir ku metirsiya keresteyên hişbir ne tenê navxweyî ye, lêbelê ziyana wan li tevaya dewletên cîhanê heye, û rijêm kerestyên hişbir di riya sînor û benderên deryayî re hinarde dike, bi sûdewergirtina ji kontirolkirina milîsên girêdayî wê li dewletên derdorê wek Libnanê.
Û raporê bal kişand ser ku rijêma Esed 24 navendên çêkirina keresteyên hişbir li bajarê Dêra Zorê û gundewarên wî vekirine, û bajar û gundewarên wî kirine yek ji girîngtirîn navendên berhemdan û barkirin û qaçaxiya bo hundir û derveyî Sûriyê, û Dêra Zorê bûye dergehê duyemîn di qaçaxiya keresteyên hişbir de, piştî Deraa ya dergehê yekemîn li başûrê Sûriyê ye, û ev kar bi serpereştiya yekser ji tabûra çaremîn a artêşa rijêmê tê kirin, yaku Mahir Esed rayedariya wê dike.
Û bal kişand ser ku rijêma Esed pisporên çêkirina kibtagonê ji Efganistanê anîne, ji bo di kargehên çêkirina keresteyên hişbir de kar bikin, û hin nokerên xwecihî ji xelkê deverê bo firotina keresteyên hişbir û belavkirina wan bi kar tîne.
Jêder: Ofîsa Ragihandinê ya Hevbendiya Niştimanî ya Sûrî
