Komîta Olompî ya Niştimanî ya Sûrî, beşdarî di Qehremaniya Bosforê ya Navdewletî ya Karatê de kir, ya ku li bajarê Stenbolê roja şemiya bûrî di bin çavdêriya Fedrasyona Cîhanî û Fedrasyona Tirkî ya vê lîstikê de lidar ketibû.
Û ev qehremanî wek yek ji qehremaniyên giring yên lîstika Karatê tê dîtin, ji ber ku ew destpêk e ji bo beşdariya tîmên hilbijartî yên welatan di Qehremaniya Cîhanî ya Olompî de.
Û Komîta Olompî ya bi ser Hevbendiya Niştimanî ya Sûrî ve, encamên erênî di riya beşdariya sê hekeman û sê yarîzanan bidest xistin.
Û Komîta Olompî hevdîtin bi serokê Fedrasyona Tirkî ya Karatê “Asat Delihesen” re pêk anî, bi amadebûna endamê Hevbendiya Niştimanî û hevrêzkarê Ofîsa Sporê , Evdilmecîd Berekat, û pev re behsa çawaniya karîna lidarxistina qehremaniyeke sopra Karatê li deverên rizgarkirî kir, ku tevaya yaneyan û ji hemî temenan tê de beşdar bibin, herweha rahênankirina tîmeke bijartî ji bo beşdariya di qehremaniyên navdewletî de.
Û li kêleka vê qehremaniyê, korsek ji bo hekemtiya nêvdewletî ya yariya karatê hat lidarxistin, tê de yasayên bingehên ên lîstikê û guhertinên nû yên tê de çêbûne hatin şirovekirin. Û serokê komîta hekemên nêvdewletî yê yariya keretê Xafîr Skîlintî, û sekreterê wê Robert Hamra çavdêriya vê korsê kirin.
Jêder: Ofîsa Ragihandinê ya Hevbendiya Niştimanî ya Sûrî