Komîteya Cizîr û Feratê ya Hevbendiya Niştimanî ya Sûrî, îro li roja şemiyê civînek taybet bi çalakvanên mafên mirovan û çalakiyên devera rojhilatê re lidar xist, û bi wan re nêrîna Hevbendiya Niştimanî derbarê herêma rojhilat û devera ewle pêşkêş kir.
Bi awayekî vekirî pêşhat û bîrûboçûn û mekanîzmayên derbarê herêmê û rêveberiya herêmê de hatin pêşkêşkirin, û bal hate kişandin li ser giringiya amadekariyan ji bo damezrandina sazî û dezgehên beşdar dibin, ji bo gel karibe deverên xwe birêve bibe, tevlî damezrandina hêzên polîs û ewlekariyê ji bo kontrolkirina ewlehiyê di qonaxa pêş de.
Herweha giringiya damezrandina encûmenên xwecihî ji bo hersê parêzgehên Dêrazorê, Reqa û Hesekê hate piştrastkirin, bi rêya beşdarbûna nûner û rûsipiyên herêmê bi rêya hilbijartinan, û herweha redkirina mana milîsên PYDe yên tawan û binpêkirinan li dijî sivîlan pêk tînin.
Cîgirê serokê Hevbendiya Niştimanî û Hevrêzkarê Komîsyonê, Oqab Yihya, diyar kir ku Hevbendiya Niştimanî di kar û çalakiyên xwe de herî zêde berê xwe dide sivîlan û parastina wan, û got ku komîte bizavê dike ji bo peydakirina aramiyê li herêma rojhilat ji bo vegerandina koçber û penaberan bo cih û warên wan ên berê.
Wî diyar kir ku damezrandina rêveberiyek sivîl ji bo hemû deverên rizgarkirî dê bibe hokar ji bo peydakirina aramî û ewlehî û dadmendiyê, û çespandina prensîbên şoreşa Sûrî ji bo bidestxistina rûmet û azadiya hemû sivîlan û pêşkêşkirina nimûneyek balkêş bo deverên din.
Ji aliyê beşdaran ve, hejmarek pêşniyarên girîng hatin pêşkêşkirin, û Komîte dê li ser wan bixebite ji bo sûdê ji wan wergire di karê xwe yê berdewam de û temamkirina nêrîna xwe ya li ser herêmê.
Jêder: Ofîsa Ragihandinê ya Hevbendiya Niştimanî Sûrî