Komîteya Diyalogê ya Hevbendiya Niştimanî ya Sûrî, hevdîtina xwe ya şêwirdarî a çaremîn di bin navê çaksaziya rêvebirî û siyasî di Hevbendiyê de bi beşdariyeke fireh ji cûrbecûr pêkhatên civaka sûrî lidar xist.
Û ev xebat di nav zincîrek ji hevdîtinên şêwirdarî yên Niştimanî li gor kaxezên di hevdîtinên berê de hatine pêşkêşkirin tê, bi armanca behiskirina ketwarê siyasî yê sûrî, daku bighînin nerîna pirojeyeke niştimanî û rûbirûbûna astengiyên ku rastî şoreşa sûriyê tên bibin.
Û di hevdîtinê de Serokê Hevbendiya Niştimanî D. Nesir Elherîrî û Cîgirê Serok Uqab Yehya û Hevrêzkarê Komîteyê Ebdulîlah Elfehid û Endamên Komîteyê Behcet Etasî û Mihemed Qedah û Salim Elmislit û Ehmed Tuimê amade bûn.
Û Elherîrî cextî li ser giringiya berdewamiya xebatên di warê çaksaziya siyasî û rêvebirî de di Hevbendiya Niştimanî û di saziyên wê û tevaya amûrên wê yên cîbicîkar de kir, û li ser giringiya derxistina belgeya nûjenkirina peyama niştimanî bo tevaya beşên gelê sûrî û têkliyên bi wan re axivî, û şiroveyek li ser dawîtirîn pêşdeçûnên siyasî û meydanî û giringtirîn çalakiyên li ser asta navdewletî yên Hevbendiyê lidar xistine pêşkêş kir.
Û amadebûyan li ser belgenameya mafan û azadiyan û belgenameya gotara niştimanî û nerîna siyasî axivîn, û Cîgirê Serok Uqab Yehya şiroveyek li ser wan belgeyan pêşkêş kir, û tekezî li ser belgenameya mafan û azadiyan û rola wan di nivîsandina destûrê nû de û li ser eşkerekirina nerîna pêşerojê kir.
Û ji aliyê xwe ve Endamê Komîteyê Behcet Etasî li ser aliyê rêvebirî û çaksazî di Hevbendiya Niştimanî de di rêya girîngiya hebûna Hevbendiyê li deverên rizgarkirî û vekirina baregehê nû li rojhilatê ferat li bajarê Girê sipî li kêlek baregehên Alraî û Ezazê axivî, û Eletasî diyar kir ku Hevbendiya Niştimanî li vê dawiyê baregeha xwe li Enqerê vekir, û bi karê xurtkirina nûnertiya diplomatîk di hejmarek ji dewletên erebî û biyanî de rabû, wek Misir û Urdunê li rex Washington, New York, Bruksel, Fransa, Brîtanya û Almanya, û ku dîplomatên ji rijêmê veqetiyane li wan nûnergehan belav bike.
Û Endamê Hevbendiya Niştimanî Mihemed Qedah tevgera endamtiyê di Hevbendiya Niştimanî de ya vê dawiyê di riya berfirehkirina endamên ku nûnertiya pêkhatên gelê sûrî dikin û nûkirina nûnertiya kutleya leşkerî û pevguhartina endamên wê bi hinek din ji nûnerên di ber artêşa niştimanî û Elcebhe Elweteniyê Litehrîr berçav kir, û got ku Komîteya Endamtiyê niha lêkolînê li ser daxwazên endamtiyê yên hatine pêşkêşkirin ji aliyê hejmarek ji partî û pêkhatên siyasî û çalakiyên civakî çêdike, daku hejmarek ji nûnerên encûmenên xwecihî û tevgera şoreşgerî de tevlî Hevbendiyê bibin.
Û Ehmed Tuimê Hevrêzkarê Komîteya Endamtiyê ya Hevbendiyê tekezî li ser xebatên komîteyê di tiştên pê radibe de wek xwendina tevaya daxwazên hatine pêşkêşkirin bi armanca ku kesên pispor bînin kir, daku bighînin berfirehtirîn nûnertî ji hêla hêzên şoreşgerî û siyasî ve li ser xaka Sûriyê.
Jêder: Ofîsa Ragihandinê ya Hevbendiya Niştimanî ya Sûrî
