Rêvebirê Heca Sûrî ya Bilind, Samir Beyreqdar, nûçeyên ku behsa radestkirina dosya heca Sûrî bo rijêma Esed ji aliyê Erebistana Siûdî ve dikin red kirin, û tekez kir ku ji sala 2013an de hîn Komîteya Heca Sûrî ya Bilind di karê xwe yê birêvebirina dosya heca Sûrî û xizmeta hecacên Sûrî de berdewam e.
Û Rêvebirê Heca Sûrî di daxwiyaniyên li gel malpera “Erebî 21” de, diyar kir ku Komîteya Hecê dest bi pirosesên dana beşê yekem ji xerciya hecacên ku sala (1444 k 2023z) hatine pejrandin kir, piştî ku tevaya girêbestan bi Wezareta Hecê ya Erebistana Siûdî û tevaya saziyên pêve girêdayî yên ku li ser xizmeta hecaciyên Sûrî dixebitin re îmze kirin.
Û Beyreqdar bal kişand ser ku ofîsên Komîteyê îsal gelek nav tomar kirine, û hejmara kesên tomarkirî gihiştiye derdora 43 hezar kesên ku dixwazin ferza hecê bicî bînin, û 22500 ji wan hatin pejrandin, li gor hejmara pişka Sûriyê di werzê heca îsal de.
Û Beyreqdar got ku ji roja ev dosya ketiye destê Komîteya Hecê, bi awayekî bêlalî dixebite û ti carî cudahî nekiriye di navbera pêkhatên Sûriyê de, û hişyarî da ku nîvê gelê Sûriyê dê ji ferza hecê bêpar bibin eger Erebistana Siûdî vê dosyê radestî rijêmê bike.
Û Beyreqdar red kir ku çi astengî ji bo pejrandina hecacên Sûrî ji hêla Erebistana Siûdî ve hatibin danîn, û got: “Şert û mercên wergirtina belgeyên pejrandina hecaciyan hene, û Komîteya Hecê li ser bicîanîna van mercan dixebite, û di pey re rêşûn dighêjin qonaxa konsilxaneyan ji bo belgeyên erêkirinê piştî remezanê bi nêzî heyvekê bidin.”
Jêder: Ofîsa Ragihandinê ya Hevbendiya Niştimanî ya Sûrî
