Komîteya Heca Sûrî ya Bilind, diyar kir ku Qiralgeha Erebistana Siûdî para Sûriyê ji hejmara hecaciyan destnîşan kir ku deh hezar û 186 hecî ne di werza sala 1443 koçî, 2022 zayînî de, ji ber ku ferza hecê du salan ji xelkên derveyî Qiralgehê re bi sedema belavbûna bêtara korona rawestiyabû.
Ev ragihandin di daxwiyaniyekê de ji hêla Serokê Komîteyê Serokê Hikûmeta Sûrî ya Demkî Ebdilrihman Mustefa di riya kongirekî rojnemevanî re li bajarê Stanbolê duh sêşemê hat.
Û Mustefa bal kişand ser ku Komîteyê dest bi amadekariyan kir ji bo pêşwazîkirina hecaciyên Sûrî li ofîsên xwe, û destnîşankirina kadirên komikên xizmeta hecaciyên vê salê û hêsankirina karûbarên wan.
Û got ku komîte dê bêhtir rê bide kesên di sala 1441 koçî, 2020 zayînî, de hatine pesendkirin.
Û bal kişand ser ku ew dê lêborînê ji kesên temenê wan di ser 65 saln re be, anku berî 1/7/1957 hatine jiyanê, bixwazin.
Û bal kişand ser giringiya guhdana mercên giştî û karûbarên tenduristî ji bo saxlemiya hecacan.
Û got ku Komîteyê mercên rêwîtiya bo hecê destnîşan kirin, wek paspora ku ta dawiya sala 2022 kar pê dibe, û du caran veksîna korona li gorî Saziya Tendurustî ya Cîhanî biribin, û mêrek bi jina ku temenê wê ji 45 salan kêmtir re hebe, û encama taqîkirina PCR ya neyênî ya vîrosa korona berî 72 katijmêran ji dîroka birêketinê dabîn bibe.
Û bibîr anî ku ger hejmara yên tomarkirî yên mercên destnîşankirî temam kirbin ji hejmara para Sûriyê zêdetir be, ew dê pişkê çêbikin daku yên bi awayekî dawîn hatine pejrandin destnîşan bikin.
Ji aliyê xwe ve Serokê Komîteya Heca Sûrî Samir Bêreqdar, di kongirekî rojnemevanî de got ku daxwazên ku sala 2020an li gor mercên me gotin qebûl bûne, ew dê werin pejrandin.
Û got ku ger cî ji daxwazên bêhtir e di hundir para destnîşankirî de hebe, ew dê daxwazên nû bipejrînin.
Û diyar kir ku Siûdiyê hejmara hecaciyan vê salê ji cîhana îslamî re kêm kir, daku 45 ji sedî ji hejmara normal be, û para Sûriyê jî ji 22500 daket 10186 hecacî.
Û tekez kir ku Komîte bi doseya hecê re weke doseyeke olî dide û distîne û tu carî bi çavê siyasî lê nanere, û got ku Komîte xizmetkariyên xwe ji tevaya sûriyên li derve û li hundir re pêşkêş dike, bêyî ku li alîgiriya wan ya siyasî an nijadê wan bipirse.
Jêder: Ofîsa Ragihandinê ya Hevbendiya Niştimanî ya Sûrî