Komîteya Sûrî-Tirkî ya Hevbeş, civînek li gel Serokê Komîteya Koçberiyê û Tevlêbûna Civakî di Perlemanê Tirkiyê de Atay Uslu, bi amadebûna Hevrêzkarê Komîteyê Ehmed Bekûra, û Rêvebira Pêwendiyan di Komîteyê de Înas Elnecar lidar xist, ji bo ku behsa ketwarê penaberên Sûrî li Tirkiyê û rewşa wan a yasayî û astengiyên ku di warê yasayî û civakî de rastî wan tên bikin.
Û Hevrêzkarê Komîteyê Ehmed Bekûra xwiyatirîn astengiyên ku rastî sûriyan tên, û giringtirîn rêşûnên gengaz yên dibe werin standin daku rewşa wan ya yasayî çak bikin, û karûbarên debara jiyana wan hêsan bikin, û astengiyên jiyanê yên ku rastî wan tên hilînin, berçav kirin.
Û di civatê de behsa zagon û yasayên ku jiyana penaberên Sûrî li Tirkiyê rêkûpêk dikin, û rêşûnên gengaz û piroje û yasayên nû bo rûbirûbûna astengiyên dertên holê ên rastî penaberan tên û giringiya şêwirdariyê di vê çarçoveyê de kirin.
Ji aliyê xwe ve, Serokê Komîteya Penaberan di Perlemanê Tirkiyê de, tekezî li ser giringiya hevkariya hevbeş kir, nemaze ku ji wan tê xwestin ku yasayên girêdayî rêkûpêkkirina jiyana penaberan li welêt pêşniyar bikin, û diyar kir ku pilaneke wan a nû heye di warê rêkûpêkkirina rewşa penaberan li ser asta yasayî û civakî, û têkliyê bi tevaya beşên wan re li tirkiyê bikin, û astengiyên serkeke yên ku rastî wan tên diyar bikin, û hewldanê bo dîtina çareyan bikin.
Jêder: Ofîsa Ragihandinê ya Hevbendiya Niştimanî ya Sûrî
