Di nav pilanên Ofîsa Yekîtî û Sendîkayan ya Hevbendiya Niştimanî ya Sûrî de, Komîteya Olompî ya Sûrî, ahenga xelatkirina werzişvanên sûrî yên xwedanên pêdviyên taybet li bajarê Elbab yê gundewarê Helebê lidar xist.
Û di ahengê de Emîndarê Giştî yê Komîteya Olompî ya Niştimanî ya Sûrî, Ehmed Cemîl Elelî , û Endamê Komîteya Olompî Ednan Qedora û birêz Mustefa Saliha Cîgirê Serokê Yekîtiya Werzişî ya Xwedanên Hewcedariyên Taybet amade bûn.
Û Emîndarê Giştî yê Komîteya Olompî di raghandineke taybet de got ku emê di dema dahatî de li ser pêşxistina karê werişê bi hevkariya li gel Yekîtiya Werzişvanên Sûrî ya Xwedanên Hewcedariyên Taybet bixebitin, bi armanca ku rewşa werzişvanên ji aliyê rijêma Esed ve birîndar bûne rêkûpêk bikin, û wan têxin tîmên werzişî bo rahênkirina û çakkirina rewşa wan ya werzişî.
Û Elelî got ku em ê li ser avakirina tîmên werzişî yên pirofeşyonel ên Xwedan Hewcedariyên Taybet kar bikin, ji bo ku ew beşdariyê di tevaya çalakiyên werzişî yên ku li deverên rizgarkirê li dar dikevin û ta beşdariya di lîstikên navdewletî yên gengaz de jî bikin, û li ser alîkarî û pêdviyên wan rawestin.
Û ev xelatkirin bi armanca rêkûpêkkirina werzişa sûrî ya Xwedanên Hewcedariyên Taybet di hejmarek ji tîmên cûrbecûr wek hêza govdeyî û avjenî û lîstikên hêzê û basketbolê, daku nûnertiya şoreşa sûrî li ser asta navdewletî bikin.
Jêder: Ofîsa Ragihandinê ya Hevbendiya Niştimanî ya Sûrî.